Jone.- Jon, zer da zarata hori? Jon, zer da zarata hori?

Jon.- Zer zarata?

Jone.- Ah, baina telebista da! Zer egiten duzu goizean goiz telebista ikusten?

Jon.- Mundiala ikusten ari naiz.

Jone.- Mundiala?

Jon.- Bai, Jone, mundiala. Badakizu, bada lau urtez behin ospatzen den futbol mundial bat, ezta? Aurten Korea eta Japonian eta ordu aldaketagatik partidua goizetan ari dira ematen.

Jone.- Bale, bale, baina baxatu bolumena, mesedez.

Jone.- Jon, gaur ez zoaz beharrera, ala?

Jon.- Bai, arratsaldean joango naiz.

Jone.- Ah, ba orduan etorri nirekin erosketak egitera.

Jon.- Ez, begira, mundialaren inguruan prestatu duten erreportaje bat ikusten ari naiz.

Jone.- Ah, jakina, Futbol Mundiala!

Jon.- Jone! Jone, zu al zara?

Jone.- Ez, Aita Santua naiz.

Jon.- Aita Santua? Taka-takarik gabe? Imposible. Aizu, ekarri al duzu garagardorik?

Jone.- Garagardoa? Ba ez, ez dut erosketarik egin, planak aldatu eta gosaltzera joan naiz.

Jon.- Eta orduan zer bazkaldu behar dugu?

Jone.- Ba ez dakit, egongo da zeozer (zer edo zer) frigorifikoan. Ni Nerearekin geratu naiz bazkaltzeko.

Jon.- Eta ni?

Jone.- Zuk nahikoa daukazu zure futbolarekin, ezta?

Jon.- Ixo, ixo, bigarren zatia hastera doa.

Jone.- Ai, baina Jon, jakin leike zein den hainbeste interesatzen zaizun partidua?

Jon.- Frantzia-Senegal, begira.

Jone.- Ez dakit zer gertatzen den baina zu beti hain borroka izan zara eta ez duzu Espainiako Selekzioan partidurik galtzen.

Jon.- Hori ez da egia, e?

Jone.- Bada.

Jon.- Beno, bai, baina De Pedrok jokatzen duelako, e? Eta zuri ez zaizu interesatzen Athletic-eko inor ez daukazulako Selekzioan.

Jone.- Athletic-a euskal selekzioa delako.

Jon.- Beno, beno, hasi gara horrekin?

Jone.- Ez da egia ala?

Jon.- Utziko al didazu partidua bakean ikusten?

Jone.- Niri berdin dit futbola ikustea baina Mundialak irauten duen bitartean ez dut hooligan anormal batekin bizi nahi.

Jon.- Jone!

Jone.- Zer?

Jon.- Haserre al zaude nirekin?

Jone.- Ez nago haserre, berdin dit.

Jon.- Ikusten? Haserre zaude.

Jone.- Lagaidazu (laga iezadazu) bakean, Jon. Orain ez dago beste partidurik ala?

Jon.- Bai.

Jone.- Ba jarri zaitez telebisio aurrean eta lagaidazu bakean.

Jon.- Afaltzera gonbidatuko zaitut.

Jone.- Zer?

Jon.- Afaria pagatuko dizudala.

Jone.- Zer, orain gauzak konpontzeko kalera atera nahi nauzu ala?

Jon.- Bai, orain ez dago eta partidurik!

Jone.- Je, je.

Jon.- Ez, broma da, neska. Benga, joango al gara biok afaltzera?

Jone.- Bale, baina jatetxe garesti batera eroan beharko nauzu, moskeoa ea pasatzen zaidan.

Jon.- Eta zer da garestia?

Jone.- Berrogeita hamar euro.

Jon.- Ez dakit konpentsatzen duen, e?

Jone.- Ba, begira, hori esateagatik hirurogei euro. Beno, ez, ez, hobe hirurogeita hamar.

Jon.- Bale, bale, nahi duzun tokira.