- Josune naiz. Eta zu, nor zara zu?

- Mikel naiz, idazkaria. Nor da emakume hura?

- Ez al duzu ezagutzen? Karmele da. Bilbokoa.

- Arratsalde on. Barkatu, zu al zara Maider?

- Ez, oker zabiltza. Jaione naiz ni. Maider huraxe da.

Ikaslea: Kaixo, Egun on!

Irakaslea: Egun on, zer nahi duzu?

Ikaslea: Izena eman nahi dut euskaltegian.

Irakaslea: Oso ondo. Lehenengo aldia al da?

Ikaslea: Bai.

Irakaslea: Ondo da. Fitxa beteko dugu. Zure izen-abizenak?

Ikaslea: Virginia Martin Polo.

Irakaslea: Helbidea?

Ikaslea: Kale Nagusia, 3, Hernani.

Irakaslea: Eta telefonoa?

Ikaslea: 625 122 149

Irakaslea: Ederki, deituko dizugu sarrera-froga egiteko.

Ikaslea: Eskerrik asko eta agur.

Irakaslea: Agur.

- Kaixo, Jon.

- Kaixo, Itziar. Zer moduz?

- Ondo, begira, Josu aurkeztu nahi dizut.

- Urte askotarako.

- Baita zuri ere.

- Nola joaten zara lanera?

- Lehenbizi, metroa hartzen dut eta ondoren autobusa. Nahiko konbinazio ona dago.

- Zenbat metro-geltoki dituzu?

- Sei, baina tren-aldaketarik egin gabe.

- Kaixo, non utziko dizkizut edariak?

- Zuzenean, biltegian utzi, mesedez.

- Han ez dago tokirik.

- Itxaron, orduan freskagarriak atearen atzeko aldean utzi. Ur-botilak, eskailera azpian. Ardoa, erdiko apalean jarri eta... ba al duzu besterik?

- Momentuz, ez. 

- Txillida-Leku museoa bisitatu nahiko nuke. Nola joan naiteke?

- Autobusez joatea duzu onena, sarreratik hurbil utziko zaitu. Donostiatik 15 minutura dago.

- Barkatu, Arriaga andrearen supermerkatuko erosketa dakart. Ba al dakizu non bizi den?

- Beherago. Uste dut kale honetan bertan, 18 zenbakian. Hau 8a da.

- Ba al dakizu hemen inguruan botikaren bat ba ote dagoen?

- Ez, sentitzen dut. Ez dakit. Izkin horretan liburu-denda bat duzu. Bertan galdetu.

- Mila esker, agur.

- Egun on. Alokairuko pisu bat nahi dut.

- Nolakoa?

- Ez oso garestia. Altzariak dituen pisu bat behar dut, bi gelakoa eta hirigunetik gertu dagoena.

- Bai, esan?

- Alokairuan dagoen gelaren iragarkiagatik deitzen dizut.

- Bai, begira, ez da apartekoa, baina erabat hornituta dago.

- Ba al du sofarik?

- Ez, baina bi aulki daude, oso erosoak.

- Ba al du armairurik?

- Bai, handi samar bat, tiraderak eta pertxak ditu. Pertsona batentzako ohe bat ere badago.

- Noiz ikus dezaket?

- Nahi duzunean etorri.

- Eta zu, non bizi zara?

- Lehen etxe txiki batean bizi nintzen. Orain, pisu batean bizi naiz.

- Aspaldian?

- Ez, duela gutxi. Hemendik hurbil dago, kale honen bukaeran.

- Ez da egia izango! Bizilagunak gara, beraz. Ezer behar baduzu, badakizu.

- Pisua ikustera nator.

- Sartu, sartu.

- Aurrera, zure zain geunden.

- Bai polita! Zein terraza handia!

- Gustatzen al zaizu? Udan egunero erabiltzen dugu.

- Aspalditik al zaudete zain?

- Ez, duela pare bat minutu iritsi gara.

- Sentitzen dut, lehenago etorri naiz, baina okerreko giltza ekarri dut. Bulegora joan behar izan dut bestearen bila.

- Lasai, ikusiko al dugu pisua?

- Jakina. Berehala.

- Zenbat gela ditu?

- Hiru, bi handi eta txiki bat. Horretaz gain, jangela, sukaldea eta komuna ditu.

- Leiho guztiek kanpoko aldera ematen al dute?

- Ez, erdiko gelak patiora ematen du eta komuna barruko aldean dago.

- Jangela oso handia da...

- Oso beroa da, gainera. Arratsalde osoan jotzen du eguzkiak.

- Egia da, hemen ez du hotzik egiten!

- Gainera, berogailu-zentrala du, oso ondo hornituta dago.

- Bai, baina begira, pintura-esku bat falta du... A! eta argindarra eta gasaren altak egin behar dira.

- Arrieta Jauna... birpasatuko al dugu agenda? Ostiralean joango zara Bilbora.

- Ostiralean? Ostegunean joan behar nuela uste nuen.

- Osteguna jai-eguna da.

- Egia da! Ez nintzen gogoratzen.

- Ikus dezagun. Hiruretako hegaldirako txartelaren erreserba egin dut.

- Hain goiz?

- Ba, badakit ez dagoela tarte handirik, baina garaiz bazkaltzen baduzu, uste dut arazorik gabe iritsiko zarela.

- Arrazoi duzu, gainera, taxi batean hamar minututan iritsiko naiz aireportura.

- Halaxe da. Segi dezagun... Bilbora lauretan iritsiko zara eta Perrier Jaunak hirigunean itxarongo zaitu laurak eta laurdenetan. Bostetan, lantegiko bisita dago aurreikusita eta zazpietan itzultzeko hegaldia.

- Horrela, bederatzietan etxean lasai afaltzeko aukera izango dut.

- Noiz egongo da prest?

- Hogei minutu barru.

- Mandatu bat egin eta itzuliko naiz.

- Konforme, ordura arte.

- Zer ordutan jaikitzen zara normalean?

- Zazpietan, gutxi gora behera.

- Eta gosaldu?

- Segidan egiten dut, dutxatu eta jantzi ondoren.

- Eta zer egiten duzu gero, goizean zehar?

- Erosketak egitera joaten naiz ordu biak arte, orduan bazkaltzen dut.

- Eta zer ordutan hasten zara lanean?

- Arratsaldeko txanda daukat.

- Beraz, 9:00etatik 11:00etara etor zaitezke, ondo iruditzen bazaizu. Gogoratu eskolak beti garaiz hasten direla.

- Egun on. Zer gertatzen zaio autoari?

- Gurpila zulatuta dauka.

- Berehala aldatuko dugu.

- Orduan, itxaron egingo dut.

- Josune andereñoa, argiketaria naiz. Noiz datorkizu ondo joatea?

- Oraintxe bertan, nahi baduzu.

- Orain ezin dut, furgoneta hondatu zait eta. Zer iruditzen zaizu arratsaldean, garaiz samar?

- Ondo datorkit. Etxean izango naiz.

- Zer egin behar dut orain?

- Bukatu al duzu?

- Bai, azkar egin dut.

- Orain, ordenagailu hura konpondu.