Pit, pit, pit!

Jone.- Jon, kafea mahaian daukazu.

Jon.- Gaur ere berandu nabil. Dutxatu eta banoa. Ez daukat batere gosaltzeko astirik, e?

Jone.- Begira, ez duzu etxetik irtengo almortzatu (gosaldu) barik, e?

Jon.- Hori ikusiko dugu.

Jon.- Pasadazu beste tostada bat, bai...

Jone.- Ea, ea, erakutsi, igo hanka, Jon. Baina, ikusi duzu galtzerdi hori?

Jon.- Zer pasatzen zaio?

Jone.- Zer gertatzen zaion? Ba behatza kanpoan daukazula.

Jon.- Bai, hori zulotxo bat besterik ez da.

Jone.- Zulotxo bat? Behatz potolo guztia kanpoan daukazu.

Jon.- Baina, beste lauak ondo gordeta daude, ezta? Estatistikoki ez dago hain gaizki, bostetik bat.

Jone.- Jon, etxetik irten baino lehenago aldatu horrek galtzerdiok, e? Eta hobe zenuke galtzontzilo berriak ere janztea.

Jon.- Total, barrutik doaz eta! Inork ez du ikusten hau!

Jone.- Eta zer? Hori ez da arrazoia.

Jon.- Ba niri arrazoia nahikoa ona iruditzen zait.

Jone.- Jon, mesedez, aldatu itzazu.

Jon.- Jone, baina guztiak igual-igual ditut eta!

Jone.- Badauzkazu galtzontzilo beltz horiek ba...

Jon.- Ez, horiek ez, horiek okasio berezietarako gordetzen ditudala badakizu ondo.

Jone.- Benga, zergatik ez gara arratsaldean geratzen? Eta erosketak egitera joaten gara!

Jon.- Zer, zurekin galtzontziloak eta galtzerdiak erostera? Ez, ez, ezta pentsatu ere.

Jone.- Zer ba?

Jon.- Ba beti haserre bukatzen dugulako.

Jone.- Beno, ba orduan ni joango naiz.

Jon.- Horixe, horixe, falta zitzaidana, zuk nire galtzontzilo eta galtzerdiak erostea, besterik ez nuen falta. Eta gero zer? Beste arropa guztia erosi nahiko didazu, ezta? Eta nola orraztu behar dudan esan eta...

Jone.- Ez, ez, orraztea ez dut uste arazoa izango denik, e?

Jon.- Txisposa!

Jone.- Ba nik galtzontzilo eta galtzerdiak erostea nahi ez baduzu, behintzat zuk erosi.

Jon.- Ja total, gabonetaraino agoantatuko dut daukadanarekin eta puntu.

Jone.- Gabonak arte?

Jon.- Bai, bai, gabonetan amak beti barruko arropa oparitzen didala badakizu, ezta?

Jone.- Jon, bada sasoia galtzontzilo sexy eta moderno batzuk erosteko, e? Zure amak erregalatzen dizkizunak nire aititak erabiltzen zituenen modukoak dira eta.

Jon.- Zer esan nahi duzu, nire amak ez daukala gusturik?

Jone.- Beno, ba bere gustua daukala esan nahi dut. Hirurogeita piko urte dauzkan emakume baten gustua.

Jon.- Ba nire amaren gustua ez da oso modernoa izango baina hark badaki aitari galtzerdietako zuloa josten.

Jone.- Zer esan nahi duzu, nik zure galtzerdietako zuloak jostea?

Jon.- Ez, ez, lasai, lasai, badakit zure familian hori ez dela sekula egin, hori beti proleten kontua izan dela, bai.

Jone.- Beno, ez hasi kontu horrekin, e?

Jon.- A tomar por saco!

Jone.- Baina Jon, zertan ari zara? Zergatik kentzen dituzu orain galtzerdiak?

Jon.- Lanera txankletekin joango naizela eta akabo istorio guztiak!

Jone.- Jon, nora zoaz? Jon! Baina, ez egin hori, Jon!

Jon.- Barkatu, pottoka, barkatu.

Jone.- Beharrezkoa zen galtzerdiak balkoitik behera botatzea?

Jon.- Ez, badakit, pasatu egin naiz, badakit.

Jone.- Azkeneko aldian gauzak balkoitik behera botatzeko hartu duzun ohitura horrek ez dit inongo graziarik egiten.

Jon.- Beno, barkadazu!

Jone.- Beno, ba barkatzea nahi baduzu, badakizu, mertzeriara joan eta galtzerdi eta galtzontzilo berriak erosi.