Jone.- Jon! Gaur arratsaldez lan egin behar duzu?

Jon.- Ez, orain estudiora noa eta ondoren inprimategitik pasa beharra daukat. Orain ere mobida bat daukat konpontzeko.

Jone.- Arratsaldea orduan libre edukiko duzu?

Jon.- Beno, bostetatik aurrera edo, bai.

Jone.- Hondartzara joan gintezke orduan.

Jon.- A! Hauxe da hondartzara etortzeko garairik aproposena! Gero hau dena jendez betetzen da, baina maiatza eta iraila izaten dira niretzako hilabeterik politenak.

Jone.- Bai, bai, gainera ez da jenderik etortzen eta mitxelinak eta zelulitisa erakusteak ez du horrenbesteko lotsarik ematen.

Jon.- Jone, zuk ez daukazu eta horrelakorik!

Jone.- Ez, keba!

Jon.- Ez hasi kontu horrekin, e? Operación Bikini hasteko berandu samar da. Benga, hartu palak eta goazen jolastera, etorri.

Jone.- Bale, bale, baina ez dut kamiseta kenduko, e?

Jon.- Zurekin palan jolasteak duen grazia hortxe da eta!

Jone.- Zer diozu, hortxe, non?

Jon.- Ba hori, zure bularretan, zure titi mugimendu horretan, tiliki-talaka...

Jone.- Idiota.

Jone.- Jon! Laga bakean eta ez jo ipurdian palarekin!

Jon.- Hauxe da oraintxe ikasi berri dudan esgrima mugimendua, begira.

Jone.- Ez, han paseoan dagoen jende guztiarentzat palarekin tontoarena egiten dihardun burusoil anormala zara.

Jon.- Jone, botaidazu (bota iezadazu) eskubira, neska, eskubira.

Jone.- Eskumara botatzen dizut ba!

Jon.- Bai, e? Ba Barrio Sésamo-ren garaian eskubia eta ezkerra erakutsi zuten kapitulua galdu egin zenuen.

Jone.- Benga, benga, isildu eta bota pilota.

Jon.- Ea, Jone, bi segidan emateko kapaz zaren. Ordu erdia daramagu eta agobiatzen hasita nago, neska!

Jone.- Beti berdin amaitu behar dugu ala? Ez daukazu inongo pazientziarik.

Jon.- Pazientzia? Eta zuk ez daukazu inolako interesik.

Jone.- Klaro, titiak ez badizkizut erakusten ozpindu egiten zara!

Jon.- Beno, ya está, se acabó, nahikoa, uretara noa.

Jone.- Bale, eta ni bakarrik lagako nauzu, ezta?

Jon.- Arkitektoa zara, ezta? Egin ezazu hondar-gaztelu bat.

Jone.- Zure moduko ogroa barruan sartzeko.

Jone.- Hotz egiten du, ezta?

Jon.- Igual badugu etxera joateko ordua, ezta? Eta akaso han zorte gehiago izango dut.

Jone.- Zorte gehiago?

Jon.- Igual han erakutsiko dizkidazu titiak, e?

Jone.- Tonto!

Jon.- Eta zu beti bat gehiago!