Kaktusa

TELEFONOZ

JON:
     Zer? Zer moduz zaude?

JONE:
    Buf.... gaizki... ajeakin eta destenplatuta

JON:
    ¨Lasai Jon...sagardoak ez du mozkortzen¨

JONE:
    Ez dakit konturatu zaren baina zurekin atera naizen azken bi alditan mozkortuta amaitu dut.

JON.
    Niri gauzak esateko...mozkortzeko beharra sentitzen duzulako… nerabeak bezalaxe.

JONE:
     Influentzia (eragin) txarra zara niretzat...

JON.
    Geratu nahi duzu gero influentzi txar honekin kafe bat hartzeko?

JONE:
    Badakit batzuetan zurekin apur bat bordea izaten naizela...

JON:
    Berdin dio Jone...

JINE:
    Ez, ez dio berdin... esan nahi nizun... zuk ez didazu ezer esaten baina konturatzen naiz batzuetan igual erabili beharko ez nukeen tonua erabiltzen dut zurekin.. eta ezerrengatik ez nizuke mindu nahi.

JON:
    Ez nauzu mintzen Jone...

JONE:
    Ez dakit... suposatzen (uste) dut, batetik  konpondu gabeko zerbait dagoelako gure artean eta bestetik konfiantza osoa sentitzen dudanez bada ...

JON:
    Eh,…ez didazu azalpenik eman behar

JONE:
    Baina eman nahi dizkizut

JON:
     Meryl Streep mementua tokatzen da orain ezta?

JONE:
     Jon.. serio ari naiz eta

JON:
    Badakizu egoera serioetan defentsa mekanismoa hori dudala... txantxa egiten hastea...

JONE:
    Ba saiatu orain txantxarik ez egiten... bajoi handi samarra daukat...

JON:
    Bajoia?.. bestondoa izango da.. besterik gabe...

JONE:
    Ez dakit Jon, ez dakit.. azken urteotan gauza asko gertatu zait. Banatu nintzenetik... apurka-apurka normaltasun mementu batera iristen ari nintzen eta bat-batean...

JON:
    Ni agertu naiz

JONE:
    Bai...

RAF

JONE:
    Zurekin gustura nago, baina bestetik zure kontra jartzen naiz gauzarik txikienagatik ere..

JON:
    Ezagutzen zaitut Jone... beti izan zara kaktus baten modukoa...

JONE:
    kaktusa? Ah eskerrikasko.. zuk bai dakizula neska bati gauza politak esaten...

JON:
    Zuk badakizu halakoa zarela... gogorra eta arantzez betea kanpotik eta biguna barrutik...

JONE:
    Nire beldurra da azken urteotan ez ote naizen barrutik ere gogortzen ari...

JON:
    Keba.. izatezkeotan ere, batzuetan kaktusei gertatzen zaiena.. arantzak kanpora atera beharrean... barrura hazten zaizkiela.

JONE:
    Eta gero neri esaten didazu Meryl Steep...

JON:
    Ba al zenekien desertuan txoriek, hontz klase batek batez ere, kaktusetan babestu eta bertan egiten dutela habia...

JONE:
     Bai klaro.. beste ezer ez baina hori betidanik jakin dut...

JON:
    Askotan okilek, ...

JONE:
    Okinek?

JON:
    O-ki-lek...txori-karpinteroek, kaktusetan egiten dituzten zulo eta kabiak okupatzen dituzte desertuko hontzek...

JONE:
    Guzti hau zer... elkarrekin bizi ginenean arratsaldero ikusten zenituen dokumentaletan ikasi zenuen?

JON:
    Suposatzen (uste) dut baietz...

JONE:
    Nik uste nuen beti enporratuta zeundela sofan... telebistari kasurik egin gabe

JON:
    Hori ere bai.

JONE:
    Alde egin beharra dut..gaur niri tokatzen zait kafeak ordaintzea...

W-JON: Kaktus, hor al zaude?
W-JONE: Zer nahi duzu?
W-JON: Desertuan galdu den hontz bat naiz...
W-JONE: Ba kaktusak bere kaktus txikia bainatu behar du eta ez du astirik txateatzen ibiltzeko...
W- JON: bale.. argi dago amaitu dela Meryl Streep mementua...