Bisita

JONE:
    Gaur Niko bere lehengusuen etxera joan da... zinera joan gintezke..
JON:
    Bale... hala ere ezin dizut oraindik esan.. igual atzerritik lagun bat datorkit eta bisitan…
JONE:
    Eta noiz jakingo duzu?
JON:
Ez dakit ba oraindik. Michel-en etxean egon da... badakizu, nire bazkidea izan zena Filipinetako buzeo-zentroan, eta bueno, orain Miarrritzen omen dago eta bisita egitera etorriko dela esan dit.
JONE:
    Bale, zerbait dakizunean esango didazu. Eta gaur eguerdian joango naiz igerilekura. Asike (beraz) ez gara arratsaldean ikusiko.
JON:
     Ah, ba badaezpada ere ni ere eguerdian joango naiz. Igual laguna arratsaldean azalduko zait eta. Bertan elkartuko gara orduan.
JONE:
    Eta azkenean badator lagun hori?
JON:
Hala dirudi, etorriko dela, bai. Baina ez daki zein ordutarako azalduko den...
JONE:
    Bale. Hala ere, planak egiteko modu hori, ordutegirik gabe, zehaztapenik gabe. Zure modukoa da tipoa e!
JON:
    Tipa (Neska) bat da,...
JONE:
    A!
JON:
    Neska norvegiar bat.
JONE
A bai? Norvegiarra?
JON:
    Bai, gure bezeroa zen buzeo-zentroan (urpekaritza-zentroan), ia urtero etortzen zen bertan egonaldia egitera.
JONE:
    Ongi zaintzen zenuten(aren) seinale orduan.
JON:
    Zer?
JONE:
    Urtero itzultzen bazen, ongi zaintzen zenuten(aren) seinale.  Uretara noa.

JON:
    Hartuko al dugu zerbait bainu ostean?
JONE:
    Bueno, igoal ordurako hots egin zaituzte eta korrika atera behar duzu lagunaren bila.
JON:
    Horrekin zer esan nahi duzu, baietz edo ezetz?
JONE:
    Baietz.
JON:
    Hotela hartu behar zuela esan zidan, baina hiri honetan hotelek dituzten prezioekin! Nire etxean geratzeko esan diot.
JONE:
    Norvegiar batentzat ez dira hain garestiak...
JON:
    Ia, baina hala ere...
JONE:
    Eta zer egiten du zure lagun horrek?
JON:
    Ba egia esan ez dakit oso ondo. Teknologia enpresa batean egiten du lan, baina ikasten ere badabil.. eskandinaviar hauek, badakizu, bizitza era desberdinean  antolatzen dute...
JONE:
    Ezberdin? Antolatzen dutenean... Ze zure laguna ez da bisitatzeko ordutegia antolatzeko kapaza izan.
JON:
    Nahi baduzu esango diot gaur gurekin ateratzeko?
JONE:
    Zinera? Hiruok. A ze plan ona..
JON:
    Orduan bai?
JONE:
    Ez Jon, txantxetan ari nintzen.... berdin dio...
JON:
    Aupa Jone
JONE:
    Kaixo Jon. Iritsi da zure laguna?
JON:
    Ez oraindik ez.
JONE:
    Orduan zer, joango gara zinera edo ez?

JON:
     Utzidazu dei bat egiten eta esango dizut
JONE:
    Bale
JON:
    Aupa Jone. Mezu bat jaso dut oraintxe esanaz lagunak Hendaian topoa hartu berri duela.
JONE:
    Bale. Bada ezer ez. Bihar orduan harekin pasako duzu eguna ezta?
JON:
    Egun osoa ez... bihar bertan Miarritzera itzuli behar duela esan dit
JONE:
    Orduan gaua pasatzera etorri da soilik.
JON:
    Zer esan duzu? Ez dut ongi entzuten.
JONE:
    Ezer ez ezer ez.. ongi pasa zure lagun bikingoarekin...