Zaindu maite duzun hori

JON:
    Zer maja Zuriñe.. nitaz akordatzen zen...
JONE:
    Zuriñe oso sinpatikoa da bai.. batez ere mutilekin
JON:
    Gehiagotan etorri beharko dut
JONE:
    Bueno Jon, kontua da naturaren ezagutza kanpaina bat jarri behar dugula martxan ikastola eta eskoletan...
JON:
    bai... bale...
JONE:
    Eta honezkero bideratuta dago leloa. Hauxe..
JON:
    Zaindu maite duzun hori.... bale... Ruperri kopiatu diozue...
JONE:
    Guk ez dugu kopiatu, hau ingurugiro (ingurumen) saileko goiko aldetik dator...
JON:
    Ba argi dago zuen jefeetako bat behintzat Ruper zalea dela...
JONE:
    Kontua da leloarekin batera pasa diguten irudia niri behintzat oso eskasa iruditzen zaidala...
JON:
    Zein hau? Ez..ez zaizu iruditzen.. oso eskasa da.. bankuetako egutegietan ateratzen dituzten argazki ñoño (txepel) horietako bat dirudi...
JONE:
    Beharrezkoa da ordea ikastoletan halako kanpainak egitea...
JON:
    Ia, baina horrek aspaldi behar zuen... gure belaunaldikoek ere arropa edo kotxe (auto) markak errazago bereizten ditugu, txoriak edo arbola-klaseak (motak) baino...
JONE:
    Egia da bai. Eta pentsa, euskaldunak mendira eta naturara joateko joera handia badugu...
JON:
     Bai, baina mendirako jantziak gehiago ezagutzen ditugu mendia bera baino..., mendiko arropa markek ez dute inon saltzen hemen bezain beste …
JONE:
    Jon oroitzen lehen hitz egin dugunaz?
JON:
    Zertaz?
JONE:
    Marken asuntuaz (kontuaz)... eta iruditzen zait hor badagoela zerbait... zerbait egin genezakeela ideia horrekin...
JON:
    Hum, hum… ondo ba.
JONE:
     Bururatzen ari zait akaso eskoletan abiatu dezakegula programa moduko bat ideia horrekin... markak eta logoak eta natura kontuak.. jolas baten moduan
JON:
    Ba bale...
JONE:
    Komentatu nahi nizun eta baimena eskatu...
JON:
    Baimena?
JONE:
     Bai.. zuk bota duzu ideia..
JON:
    Nik ideia bota? Aizu esan dudan edozer gauzek zerbaitetarako balio izan badu... nahi duzun bezala erabili.
JONE:
    Ia baina  minimoa baimena eskatzea da...
JON:
    Bale bale.. eskertzekoa da... eta espero dut Ruperri ere baimena eskatuko diozuela…  edo behintzat haren musika erabili kanpainarako...
JON:
    Nik fitxaren alde batean, adibidez jantzi, auto, kirol eta marken logo ezberdinak jarriko nituzke eta beste aldean hosto klase ezberdinak. Ea batetik zenbat izendatzen dakiten eta zenbat bestetik..
JONE:
    Hiri eta herrietan ziurrenik emaitza ezberdina izango dugu.
JON.
    Nik uste markak denek ezagutuko dituztela... eta akaso herri oso txikietako haurrek bereiziko dituztela hosto batzuk...
JONE:
     Gero gauza bera egin genezake, adibidez, txori motekin eta arrain ezberdinekin...
JON:
    Eta Ruperren kantuaren letrari ondo doakio guzti hau?... Zaindu maite duzun hori...,
JONE:
    Nik uste baietz...
JON:
    Bai, egia da.. ezagutzen duzuna maitatzea errazagoa da...
JONE:
    Zer?
JON:
    Ezagutzen duzuna maitatzea errazagoa dela..
JONE:
    Bai, hori ere erabili genezakeen..
JON.
    Egia handia da bai... eta pertsonekin ere gertatzen da...
JONE:
    Zertaz ari zara orain?
JON:
    Ezer ez, burutazioak besterik ez...