Uda-giroan irakurtzeko alegiak

Alegiak aukeratu ditugu uda honetarako. Animaliak protagonista diren istorio laburrak dira eta beti dute ikasgai bat bukaeran, hausnarketarako bidea irekitzen duena, hain zuzen ere.

Irakurgai xamur eta errazak dira eta gainera guztiek dute hiztegi laguntzailea. Ariketa-sorta bat ere prestatu dugu lan pixka bat egiteko prest bazaude.


Euskal alegialariak bilatzen hasita, hainbatekin egin dugu topo, baina guztien artean Bizenta Mogeli tarte berezia eskaintzea erabaki dugu.

Arrazoi ezberdinek eraman gaituzte aukeraketa hau egitera: Besteak beste, uztailean jaio zela, euskal literatura idatzia jorratu zuen lehen emakumea izan zela, eta nahiz eta Azkoitian jaio zen oso gazte zela jo zuela Markinara eta ondorioz, Gipuzkoa eta Bizkaia zituela gogoan eta bihotzean.

Bere biografian irakurri ahal izango duzuenez, Esoporen alegiak euskaratu zituen Bizentak eta beraz, ezagunak izatea espero dugu.

Prest al zaude animalien mundu honetatik hainbat gauza ikasteko?
 

Ale osoa PDF formatuan hemen daukazu eskura.


 



Lan honetarako erabilitako bibliografia:

Bizenta Antonia Mogel (1991), Ipui Onak, Elkar, Klasikoak Saila, Eusko Jaurlaritza (Edizio honen prestatzailea, Maite Iribar).
Xabier Kaltzakorta (1992), Bizenta Mogel, Bidegileak Bilduma, Eusko Jaurlaritza.
Esopo (1999), Alegiak, Elkarlanean. (Edizio honen itzultzaile eta koordinatzailea, Iñaki Mendiguren)

 

A2
2009-06-24
16155285
865