Nora joango gara oporretan uda honetan?

Uztail eta abuzturako hasi dira erreserbak egiten, eta, batez ere, gertuko turismoa gailenduko da.

Kalera atera dira Euskal Telebistako kazetariak udako oporretarako dituzten planei buruz herritarrei galdetzera. Horrez gain, bidaia-agentzia batera eta landetxe batera jo dute, erreserbak nola doazen galdetzera.


Transkripzioa:[+] Transkripzioa:[-]
Esataria.- Udako oporrei begira jarri gara dagoeneko.
Kaleko inkesta-Emakumea 1.- Nire asmoa, uzten badigute, da lehengusuen etxera joatea Landetara.
Kaleko inkesta-Gizonezkoa 1.- Pentsatu dugu hementxe gelditzea.
Kaleko inkesta-Emakumea 2.- Abuztuan daukagu, oraindik pentsatzen dugu, bada, denbora daukagu kantzelatzeko.
Kaleko inkesta-Emakumea 3.- Beti joan izan gara urrutira, baina aurten ez.
Esataria.- Batez ere uztailerako eta abuzturako ari dira erreserbak egiten. Alarma-egoera aurretik eginiko erreserbak mantentzen ari dira eta orain erreserba berriak jasotzen ari dira bidaia-agentzietan.
Bidaia-agentziako ordezkaria.- Tarragona lekuan (inguruan), Andaluzia, beti, hori, hondartzak-eta, baina hori, barne-turismoa aurten asko mugituko da.
Esataria.- Hainbeste zalantzaren aurrean, bidaia-agentziak hasi dira azken orduko doako kantzelazioak (ezeztapenak) eskaintzen.
Bidaia-agentziako ordezkaria.- Apartamentu, kanping, alokatzeko etxe osoak…
Esataria.- Badirudi asko kanpingetara joanen direla.
Mendigorriko honetan, esaterako, egunero ari dira erreserbak jasotzen, gehienak Euskal Herrikoak, gainera. 
Astelehenean irekitzea aurreikusten dute, hori bai, murrizketekin eta hainbat segurtasun-neurri hartuta.
Bidaia luzeak baino gehiago, gertuko turismoa gailenduko da.
Kaleko inkesta-Gizonezkoa 2.- Nik uste dut zaila dela hemendik kanpora joatea.
Kaleko inkesta-Gizonezkoa 3.- Igual baserri… baserri ruraletara (landa-baserrietara/landetxeetara) joatea.
Esataria.- Landetxeetan, adibidez, hasi dira nabaritzen.
Landetxeko arduraduna.- Uztailerako Tolosaldeko kuadrilla bat etorri nahi duena, eta abuzturako bizkaitar batzuk etorri nahi dutenak ere badauzkagu.
Esataria.- Gure opor-planak egoera berrira moldatzen ari gara, batez ere, gertutasuna eta segurtasuna bilatuz.
B2
2020-05-18
22019100
01:36
492