Bideo-deietako sekretutxoak

Bideo-deietan, ezkutuan mantendu nahi genituen hainbat gauza agerian gelditzeko arriskua dago. Hori gertatu zaie “Etxekoak” saioko Izarori eta haren aitonari.

Konfinamenduan, senideekin harremanetan jartzeko biderik ohikoena bihurtu da bideo-deiak egitea. Bide berri honek, ordea, baditu bere arazoak, batez ere mikrofonoa itzaltzea ahazten zaigunean.

 

Etxekoak telesaia gustuko baduzu, jo helbide honetara.


Transkripzioa:[+] Transkripzioa:[-]

Nerea.- Izaro! Kaixo, maitea, zer moduz? 

Izaro.- Kaixo, izeba! Ondo, ondo, e... gauza bat, momentu ona da hitz egiteko? Eske aurrekoan gauza bat komentatu nahi nuen zurekin eta... 

Nerea.- Egia, unibertsitateko zerbaitekin laguntzeko, ezta? 

Izaro.- E, bueno, berez, beste kontu batekin laguntzeko zen. 

Nerea.- A! 

Izaro.- Eske, badakizu nola esan nien nire gurasoei pisuan bakarrik nengoela, ez?  

Nerea.- Bai. 

Izaro.- Bueno, bada, ez, ez nago bakarrik. 

Maria.- Nola? Hori kontatu behar diguzu, e? 

Nerea.- Maria,  

Eider.- Nerea, irudia gelditu duzu, baina ahotsa ez. 

Nerea.- Joder, Izaro, barkatu, lagunekin ari nintzen, axola dizu?  

Izaro.- Keba, ja entzun dute entzun beharrekoa, así que... 

Eider eta Maria.- Kaixo! Kaixo! 

Izaro.- Kaixo! 

Maria.- Bueno, Bartzelonan ondo, orduan, ez? 

Izaro.- Bueno, gaizki-gaizki ez nago. Kontua da ama dagoela superastuna, denbora guztian deika, bueno eta gero, Instagrameko kontu bat ireki du. 

Maria.- Kar, kar, kar 

Izaro.- Ez dakit zenbat denbora gorde ahalko dudan nire sekretito hori. 

Eider.- Eta zergatik ez diozu zuzenean egia kontatzen?  

Maria.- Nola kontatuko die egia zuzenean? Eider, mesedez, e? Beidatu, badakizu zer egin behar duzun?  

Izaro.- Zer? 

Maria.- Deitu eta esan koronabirusa harrapatu duzula. 

Eider.- Faborez! 

Maria.- Eta gero ezetz, ez duzula hartu, broma zela eta bikotearekin bizi zarela. Holan (horrela) sustoa eta gero, dena onartuko dabe (dute). 

Nerea.- Joder, Maria, ze bruta zaren, benetan! 

Eider.- Honi kasurik ez, e? Aber, Maria, zuk zenbat bikote (bikotekide) aurkeztu dituzu etxean? 

Maria.- Nik? Aurkeztu? Kar, kar, nik zuzenean eroaten (eramaten) nituen lotara eta hurrengo goizean haiek aurkezten zuten haien burua gosarian. 

Denak barrez 

Nerea.- Izaro, zuk ez dakizu zure gurasoak oso zentzudunak direla? Eta lasai asko hitz egin dezakezula beraiekin. 

Izaro.- E... izeba, aitak behin nire tanga bat aurkitu zuen garbigailuan eta ia bihotzeko batek eman zion. 

Maria.- Kar, kar, kar. Eta zer kontatu zenion? 

Izaro.- Bada, ez dakit, goiko bizilagunari eroriko zitzaiola edo. 

Denak barrez 

Maria.- Beitu, jarri bion argazki bat Instagramen, amak ikus dezala eta listo! 

Nerea.- Ez, oso hotza. 

Eider.- Eta eskutitz bat idazten badiezu dena kontatzen? 

Maria.- Eskutitz bat? Ez gaudela XIX. mendean, Eider, mesedez! 

Eider.- Zer?  

Nerea.- Badakit, Aitorri egia esan eta dena zure amari kontatuko dio fijo

Izaro.- Bai? Zuk uste, izeba? 

Nerea.- Bai, neska! Nik horrela egin nuen gurasoekin, izeba bati kontatuta. 

Eider.- Bada, ez da ideia txarra, e? Gainera, Aitorrek ez du sekretua gordetzen jakingo. 

Maria.- Kontatuko dio fijo

Izaro.- Benga, bale, bale, hori egingo dut. E... bihar deitzen badiot ondo, izeba? 

Nerea.- Bai, maitea, etxean egongo da. 

Izaro.- Bueno, ja, hori seguru. Bale, bueno, bada, bihar arte, orduan. 

Denak batera: Agur, ondo pasa! 

Izaro.- Kaixo, aitona. 

Aitona.- Izaro, kaixo, zer moduz?  

Izaro.- Bueno, ondo esan beharko. Hemen, denbora-pasan, badakizu. 

Aitona.- Ja, aizu, azkenean zertan geratu zen laguntza-sarean parte-hartzearena? 

Izaro.- Aber, aitona, sentitzen dut, baina ezin duzu parte hartu. Zure adinekoek galarazita daukazuela! 

Aitona.- Kaka! Bada, moduren bat bilatu behar dut kalera ateratzeko.  

Izaro.- Zuk. Aitona, zuk nahi duzunean ateratzen zara kalera eta. 

Aitona.- Bai, zera! Enkargutxoak egitera, baina aitzakiaren bat bilatu behar dut denbora luzeago egoteko eta besteen etxeetara joateko, bai. 

Izaro.- Aitona, lagunen etxera joan nahi duzu? 

Aitona.- Kar, kar, badakizu...Loli. 

Izaro.- Amigo! Klaro, Loli... 

Aitona.- Hilabete pasatxo jada elkar ikusten ez dugula, erotu egingo naiz, e? Desesperatuta nago. 

Izaro.- Aber, aitona, ez dela hainbesterako! 

Aitona.- Ez dela hainbesterako? Beste hamabost egun luzatu digute gainera itxialdi puta hau.  

Izaro.- Klaro, eta zuk ezin dituzu pasa beste hamabost egun maitalea ikusi gabe, ezta? 

Aitona.- Aaaa! Jakina! Zu ederki zaude zeurearekin hor, ezta? e? zure gurasoei ezer esan gabe... 

Izaro.- Bada, bai. 

Aitona.- Bada, imajinatu ezin duzula ikusi. 

Izaro.- Ja... aber, baina zuek zenbat denbora daramazue batera? 

Aitona.- Ia bost urte. 

Izaro.- Joe, aitona, ulertzen ez dudana da nolatan ez zaudeten zuek berrogeialdia batera pasatzen. 

Aitona.- Hombre! Bere senarrari ez liokeelako graziarik egingo! Hara bestea! Zu... 

Izaro.- Aitona, senarra dauka? 

Aitona.- Lasai, e? Ez da hain laguna ere. 

Izaro.- Nola hain laguna? Aitona, zure lagun baten emaztearekin zaude liatuta? 

Aitona.- Bai, zera! Zu...bueno, Mikelena. 

Izaro.- Aitona, Mikel zure lagunik onena...soldaduskagatik zarete lagunak, hombre

Aitona.- Ja...ja, ja, ez naiz lagunik zintzoena, ezta? 

Izaro.- Hombre, bada, ez. Gainera, ez zara nekatzen beti ezkutuan ibiltzeaz? 

Aitona.- Begira nork esaten duen hori! Maitalea gordeta daukanak etxean! 

Izaro.- Aber, baina nirea ezberdina da, aitona. 

Aitona.- A, bai? Ezberdina? Eta zergatik da ezberdina? Zenbat urte dituzu? Hemeretzi? Hogei?  

Izaro.- Bai. 

Aitona.- Bada, hori zure adinean normala da, zure gurasoei esan beharko zenieke. 

Izaro.- Ez, aitona, aitari bihotzeko batek emango lioke. 

Aitona.- Kar, kar, horrexegatik esan beharko zenieke! Kar, kar. 

Izaro.- Ze astoa zaren, aitona! Benetan, e?. Aitona, pentsatu, segundo bat. Mikel bere etxean egongo da, nola pentsatzen duzu Lolirekin elkartzea?  

Aitona.- Aiba Dios, bada...hori ere egia da, bai. 

Izaro.- Nik uste aguantatzea tokatzen zaizula, aitona. Ez dakit, aurkitu beste moduren bat zure desioa asebetetzeko... 

Aitona.- A, bai? Eta ze uste duzu, ez naizela aritzen? Kar, kar...por tzierto, hainbeste entzun dudan satisfaction hori, gizonontzat ere bada? 

Izaro.- Aitona, satisfyer dela! 

 

B1
2020-05-07
21960541
05:38
1176