Tytti Thusberg-ekin berriketan

Euskal Herrian zazpi urte daramatzat. Finlandiarra naiz. Hona etorri nintzen zeren beti pentsatu izan dut leku ederra zela, kultura berezia izan behar zuela. Nire osaba Donostiako Txuri-Urdin izotz-hockey taldeko entrenatzaile izan zen orain hogeita hamar urte, eta etxean askotan hitz egin zen herri honi eta euskaldunei buruz.

1. Zein da, zure ustez, ikasteko modu hobea: bakarka ala taldean, ala biak batera?
Biak batera, baina lehenbizi oinarriak ondo ikasi behar dira eta hori egiteko talde bat da onena.

2. Zer da irakasle batengan gehien estimatzen duzuna?
Argitasuna eta adore ematea.

3. Nolakoa zen zure ikaskide-taldea?
Nire ikaskide-taldea ikastolako gurasoen taldea zen.

4. Zein zen gehien gustatzen zitzaizun ariketa-mota? Zergatik?
Hitz egitea. Horrelaxe bakarrik ikasten da beste hizkuntza bat.

5. Gustuko al zenituen ikasgelatik kanpoko ekintzak? Zergatik?
Afarietan ondo pasatu izan dugu; ardoarekin edo sagardoarekin errazago hitz egiten da.

6. Zer ikasten da beste ikasleengandik?
Gure hutsegiteak eurek nola zuzentzen dituzten.

7. Zerk edo nork lagundu dizu gehien euskara ikasten?
Senarrak, baina asko ikasten ari naiz nire semeen euskara entzunda.

8. Laguntzen al dute teknologia berriek euskara ikasten?
Ez dut probatu, baina noski baietz.

9. Gramatikazko arauak zer dira zuretzat, lagungarriak, oztopo, gehiegi dira agian?
Lagungarriak, baina noski, batzuetan zailak dira.

10. Zer da ikasten errazena gertatu zaizuna? Zergatik?
Atzizkiak, zeren nire hizkuntzak, suomierak, kontzeptu bera dauka: hamalau atzizki dauzka. Bi hizkuntzak aurre-indoeuroparrak dira.

11. Nola konbentzitzen duzu zeure burua ikasten jarraitzeko?
Ez dut konbentzitu beharrik.

12. Zertarako ikasi nahi zenuen euskara?
Hemengo hizkuntza bultzatzeko. Komunikatzeko.

13. Une honetan non erabiltzen duzu euskara, non hitz egiten duzu?
Etxean, kalean, lanean...


2004-05-11
16522250
1000