Jone.- Jon! Ander eta Estitxu bueltatu dira jada Bartzelonatik?

Jon.- Uste dut larunbatean bertan itzuli zirela.

Jone.- Larunbatean? Baina manifestazioa ez zen larunbatean, ala?

Jon.- Bai, manifa bai, baina dirudienez Bartzelona inguruko kontrol batean geldiarazi eta tak, ez zieten jarraitzen utzi.

Jone.- Baina hori ezinezkoa da, hori ezin dute egin.

Jon.- Beno, Jone, ezinezkoa, mesedez, hori ezin dute egin...

Jone.- Zer, hori antikonstituzionala da.

Jon.- Je, je, ezetz esan berriro trabatu gabe!

Jone.- AN-TI-KONS-TI-TU-ZIO-NA-LA.

Jon.- Oso ondo!

Jone.- Baina nola leike kontrol batean gelditu eta etxera itzularaztea?

Jon.- Ba, halaxe! Nola ba? Hori horrela da, antikonstituzionala da, bai, eta lanik ez edukitzea ere bai, eta gosea pasatzea akaso ere bai.

Jone.- Bai, Jon, baina desberdina da.

Jon.- Zuk ez al duzu Ander ezagutzen, edo zer?

Jone.- Bai.

Jon.- Eta? Anderren istorioaren berri ez daukazu?

Jone.- Zer, kartzelan izandakoa da?

Jon.- Bai.

Jone.- Ba, nahiko gaztea da. Noiz sartu zen?

Jon.- Noiz sartu zen, non?

Jone.- Ba, hori, badakizu...

Jon.- Ez da pentsatzen ari zarena, ez. Ander kartzelan izandakoa da baina beste kontu batzuengatik: atrakoak, lapurretak eta horrelako istorioak.

Jone.- Ah, bai? Ze fuertea!

Jon.- Eta zer uste zenuen ba, euskaldunak kartzelara ekintza politikoengatik joaten zirela edo zer?

Jone.- Ez dakit, baina ez dauka horren trazarik.

Jon.- Ba bai, bai, delinkuente kabroia izan zen hura.

Jone.- Eta zuk zelan ezagutu zenuen?

Jon.- Nire blokean bizi zelako. Bere gurasoak eta nire gurasoak, oraindik ere bizilagun.

Jone.- Eta zu berarekin ibiltzen zinen orduan?

Jon.- Beno, garai batean ni ere nahiko iluna nintzen.

Jone.- Hortaz, makarra izatearena ez da pose hutsa.

Jon.- Zer uste duzu, Jone, jende guztia zure moduan udak piszinatik Ingalaterrara eta Ingalaterratik piszinara eman dituela?

Jone.- Beno, beno, ez ipini horrela.

Jon.- Horrexegatik emango zuten ba buelta ezer esan gabe, Ander ez dago gaur egun pikoloekin eztabaidan hasteko, eh?

Jone.- Ba orduan zuek biak txiki-txikitatik ezagutzen duzue elkar.

Jon.- Bai, anderrek eta biok gauza asko bizi izan dugu elkarrekin, badakizu.

Jone.- Zuk ere atrakoak egiten zenituen?

Jon.- Ez, baina hark egindako atrakoetatik ateratakoarekin farra bat baino gehiago eginda gara gu.

Jone.- Ba zuen farrak ez ziren nolanahikoak izango. Banku bat atrakatzeko beharra bazenuen...

Jon.- Jone, gu laurogeigarren hamarkadako semeak gara, eh, eta batzuk, Ander eta ni, hemen gara eta beste batzuk ez dituzu sekula ezagutuko.