Jon.- Ez al da sekula bukatuko txapa hori edo zer?

Jone.- Ixo, laga entzuten.

Jon.- Horretarako egin al duzu karrera bat, e? Potola horren nondik norakoak jarraitzeko?

Jone.- Baina zer ikusirik dauka karrerak guzti honekin? Eta gainera Rosa dauka izena.

Jon.- Rosa, Bisbal, Chenoa... Baina ez al dago besterik edo zer? Noiz amaituko da tortura hau?

Jone.- Eurovisión ospatu arte.

Jon.- Eta hori noiz da?

Jone.- Maiatzean.

Jon.- Eta ordura arte agoantatu behar al dugu tximu-koadrila hau?

Jon.- Eta zuk ba al daukazu faboritorik istorio horretan?

Jone.- Bai, bai, bai, Chenoa. Bonba bat da. Baina, klaro, jendeak inbidia dioenez, kanpoan geratu zen. Baina artistena bera da.

Jon.- Eta beste hori? Ilehori horrek nola du izena ba?

Jone.- Zein ilehori, Verónica?

Jon.- Bai, hori izango da, horixe. Niri hori gustatzen zait.

Jone.- Baina ez duzu esaten ez duzula ikusten Operación Triunfo?

Jon.- Ez dut jarraitzen, baina ikusitakoa ikusita ederrena Verónica hori iruditzen zait.

Jone.- Beti gauza bera pentsatzen, Jon.

Jon.- Aizu, zuk galdetu egin didazu eta nik erantzun, e?

Jone.- Jon, horrela albotik begiratuta, Bustamanteren antza ere badaukazu zuk, e?

Jon.- Nor da Bustamante?

Jone.- Ba Akademian dagoen tiporik kapulloena.

Jon.- Eta asko ligatzen al dute?

Jone.- Baina zu gaur hormona gaindosiarekin esnatu zara, edo zer?

Jon.- Bustamantek rolloa badu Chenoa horrekin edo?

Jone.- Ez, hori Bisbal da.

Jon.- Falcon Crest baino konplikatuagoa da programa horretako trama, e?

Jone.- Keba, bizitzaren modukoa da.

Jon.- Bizitzaren modukoa?

Jone.- Beno, beno, nahikoa entzun dut, banoa oraintxe bertan Bora-Borara kafe bat hartzera.

Jon.- Beno, beno, baina oraindik ez al da amaitu programa hori, edo zer?

Jone.- Benga, Jon, kantatu nirekin "a tu lado me siento..."

Jon.- Ezta pentsatu ere!

Jone.- Badakizu eta!

Jon.- Bai, bai, baina ez dut kantatu nahi.

Jone.- Benga!

Jon.- Horterada bat da hori, ezta?

Jone.- Benga, Jon, benga, kantatu.

Jon.- Bale, baina gaur zuk egingo duzu afaria orduan.

Jone.- Zuri tokatzen zaizu, e?

Jon.- Jon Bustamante akzioan ikusi nahi duzu edo ez duzu ikusi nahi?

Jone.- Bai.

Jon.- Beno, ba horrek prezio bat dauka, pottoka.

Jone.- Bale, nik egingo dut afaria.

Jon.- Zer nahi duzu, tenorea edo "a tu lado me siento seguro, a tu lado no sudo, a tu lado...."

Jone.- Ja, ja, ja.

Jon.- Badakizu zer, nik nahiago dut beste programa hori...

Jone.- Zein?

Jon.- Bikotekideari adarrak jartzen dizkioten programa

Jone.- Bai, baina hori oso kutrea da, hori bai dela telezaborra ...

Jon.- Bai, bai! Oso kutrea,  baina astean behin da, e? Eta gainera ez dira Operación Triunforen moduan gezurra saltzen ari. Operación Triunfo badakizu zer den? Fikzioa, zientzia-fikzioa; eta beste hori, puterio programa hori, horrek nola izena du ba?

Jone.- Confianza ciega.

Jon.- Hori da, hori da. Hori bizitza bezain erreala da.

Jone.- Ah, orduan adarrak ipintzea normala da zuretzat, ezta?

Jon.- Noski, ala?

Jone.- Errepikatuko didazu hori?

Jon.- Jone, zergatik begiratzen duzu horrela, e?