Jon.- Epa, Jone, iritsi naiz.

Jone.- Aupa!

Jon.- Ogia ekarri dut.

Jone.- Kasualitatea, nik ere erosi dut.

Jon.- Kalera atera al zara ba goizean?

Jone.- Bai, pelukeriara joan naiz.

Jon.- Pelukeriara? Ea, erakutsi zer egin dizuten.

Jone.- Baina hainbesterako da?

Jon.- Ez, ez, ondo dago, egiatan.

Jone.- Ez zaizu batere gustatu.

Jon.- Ezetz?

Jone.- Ez, begiratu nauzunean ipini duzun aurpegia ikustea baino ez dago.

Jon.- Ezetz ba, ez dela hori, baina sorpresa izan da, ez nekien hainbeste moztu behar zenuenik.

Jone.- Nik ere ez, baina Kontxik, pelukerak, esan dit ile motza primeran geratuko zitzaiola nire aurpegiari eta mozteko esan diot.

Jon.- Eta Kontxi hori gustura geratu da? Ondo zaude baina, badakizu, ilea mozterakoan horixe gertatzen da, ohitu arte arraroa egiten zait.

Jone.- Beno, gainera udara begira..

Jon.- Hori bai, bai.

Jone.- Animo, Jon, haziko zait berriro.

Jone.- Ez begiratu horrela, Jon.

Jon.- Nola begiratzen zaitut ba?

Jone.- Ez dakit, arraro.

Jon.- Arraro, nola?

Jone.- Ba ez dakit, arraro.

Jon.- Jo, eske orrazkera horrekin aurpegi gehiago ikusten zaizu.

Jone.- Eta hori ona edo txarra da?

Jon.- Ez, niri gustatzen zait, bai, ahoak adibidez handiagoa dirudi, eta belarriak. Ez dakit, belarri sexy...

Jon.- Lasai, Jone, neronek jasoko dut gaur eta garbituko ditut, bostak arte ez noa gaur lanera.

Jone.- Ah... Zelan ba?

Jon.- Berandu arte geratu behar dugulako. Animazio bat egin behar dugu iragarki batentzako eta horretarako Anderren lagun batek etorri eta lagunduko digu.

Jone.- Beno, baina mahaia behintzat jasoko dut.

Jon.- Aizu, belarriez gain lepoa izugarri luzea daukazula ahaztua neukan.

Jone. Bostak arte esan duzu?

Jon.- Bai.

Jone.- Orduan siesta egiteko astia badaukagu.

Jon.- Nik ez daukat batere logurarik, e?

Jone.- Ez, bestelako siesta, tonto!

Jon.- A, bestelakoa...

Jon.- Aizu, Jone, orrazkera berri honek badauka bentaja, e?

Jone.- A!

Jon.- Neska berri batekin egotea bezalakoxea da hau.

Jone.- Mmmm. Eta hori abantaila da, ala?

Jon.- Ulertzen didazu, eske morboa ematen dio honek.

Jone.- A, bai? Ba hurrengoan zuk peluka bat ipini ea niri morboa ematen didan, bale?

Jon.- Badakizu? Orain bai, orain logura sartzen ari zait, oraintxe.

Jone.- Ba ez daukazu astirik, ia-ia bostak dira.

Jon.- ... Kafea egitera noa orduan, e?

Jone.- Emadazu laztan bat!

Jon.- Non emango dizut?

Jone.- Hemen, hemen, lepoan.

Jon.- Zure lepoko zein hektareatan?

Jone.- MMMm!