Jon.- Jone!

Jone.- Zer?

Jon.- Sofa hau ilez beteta dagoela.

Jone.- Eta?

Jon.- Ba hori, eseri eta ileak besterik ez ditudala topatu nik hemen.

Jone.- Nireak izango dira, zeren zuk ilea...

Jon.- Zer? Nik ilea zer?

Jone.- Ba hori, zuk ilea ezer ere ez.

Jon.- Beno, ez, nik ez daukat ilerik baina zelulitis pistolerarik ere ez daukat.

Jone.- E, zer esan nahi duzu?

Jon.- Entzun duzuna, bakera.

Jone.- Nik ez daukat pistolerarik, gerri femeninoa daukat, besterik ez.

Jon.- Bale, bale, bakera.

Jone.- Ba begira, pikatu egin naiz.

Jon.- Eta zer?

Jone.- Ba arnasa hartzeari lagako diodala zuk barkamena eskatu arte.

Jon.- Bale, bale, benga, hasi.

Jon.- Sei, zazpi, zortzi, bederatzi, hamar... hogeita hamar, hogeita hamaika, hogeita hamabi, hogeita hamahiru, hogeita hamalau... Zer, zer moduz? Berrogei, berrogeita bat, ... berrogeita hemezortzi, berrogeita hemeretzi... Berrogei......Minutu bat. Esther Williams-ek baino erresistentzia gehiago daukazu, e? Minutu bat berrogeita... tranpa egiten ari zara, hau ez da posible.

Jone.- Baina zuk zer uste duzu?

Jon.- Nola zer uste dudan? Ezetz egin hori baineran?

Jone.- Zergatik egin behar dut baineran?

Jon.- Edo askan, nahi duzuna, berdin dio, baina ur azpian probatzen da ondo nork arnasten duen eta nork ez.

Jone.- Ba ez dut egingo.

Jon.- Orduan ez zara Esther Williams, bakera.

Jone.- Bete bainera!

Jon.- Minutu bat eta bi segundo, hiru, lau, bost...

Jone.- Zenbat?

Jon.- Ia minutu bat

Jone.- Erakutsi kronometroa.

Jon.- Kendu esku hori.

Jone.- E, hemen minutua pasatu egin dut, e?

Jon.- Bai, hortxe-hortxe. Bakera!

Jone.- Beno, ezetz gainditu, kalborota?

Jon.- Badakizu ondo asko baietz.

Jone.- Erakutsi!

Jon.- Bale, baina lehenengo askako ur hau aldatu. Ikusten al duzu? Ilez beteta utzi didazu eta!

Jone.- Zure buruan pegatuko ote diren beldur zara, ala, Kojak ?

Jon.- Beno, tira, banoa, e?

Jone.- Itxaron momentu bat, tori.

Jon.- Zer demonio da hau?

Jone.- Piszinako txanoa, dauzkazun ile gutxi horiek ez bustitzeko edo ez dezaten ihes egin.

Jon.- Je, je, jarri ezazu kronometroa martxan. Nik agoantatuko dudan denbora zuk kasik ez dakizu zenbatzen eta.

Jone.- Txulo!

Jon.- Bakera!

Jone.- Benga, benga, sar ezazu burua behingoz uretan.