Jon.- Mekaguen la puta!

Jone.- Jon, zer pasatzen da?

Jon.- Eguzki-betaurrekoak txamarrako poltsikoan nituen eta gainean ez naiz eseri ba!

Jon.- Ba nik ez dakit eguzkitako betaurrekorik gabe kalera ateratzen.

Jone.- Beno, ba beste batzuk erosi eta kito.

Jon.- Horixe, ba oraintxe joango naiz.

Jone.- Nahi baduzu, zurekin joango naiz.

Jon.- Eta nahi ez badut?

Jone.- Ba nahi ez baduzu, orduan ere zurekin joango naiz.

Jon.- Goazen ba.

Dendaria.- Laguntzarik behar al duzue?

Jone.- Ba beitu (begiratu), betaurreko batzuk nahi ditugu.

Jon.- Eguzkitako betaurrekoak, e?

Dendaria.- Eta norentzat dira, zuretzat edo zure senarrarentzat?

Jon.- Niretzat, niretzat.

Jone.- Bai, nire senarrarendako.

Jon.- "Nire senarrarentzat", e? Non dago zure senarra? Ez nekien ezkonduta zeundenik.

Dendaria.- Ba hementxe dituzu, ea, jar itzazu.

Jon.- Hauek zer moduz geratzen zaizkit, e, kari, kari?

Jone.- Zelako zatarrak, Jon.

Jone.- Eta beste hauek? Hauek uste dut orain modan daudela.

Jon.- Keba, horiek ez dira zure estiloa, horrek modernoegiak dira.

Dendaria.- Ba niri gustatzen zaizkit.

Jone.- Ja, baina ez dira zuretzako.

Jon.- Eta hauek zer, hauek gustatzen al zaizkizu? Begira!

Jone.- Jon, horrek karratuegiak dira.

Jon.- Ba nik uste ondo geratzen zaizkidala. Eta gainera hauek oso erosoak dira motorrean ibiltzeko.

Jone.- Beitu (begiratu) Ray Charles ematen duzu horrekin betaurrekoekin eta, gainera, apur bat makarrak dira, Jon.

Jon.- Makarrak? Bale, se acabó. Erabakita. Barkatu? Bai, hauexek, hauexek erosiko ditut.

Dendaria.- Baina zure emazteari gustatzen al zaizkio?

Jon.- Ez.

Dendaria.- Ba nire ustez hauek ere oso ondo geratzen zaizkizu.

Dendaria.- Ea ba, hauek sudurrean ondo geratzen al dira?

Jon.- Ez dakit ba, baietz uste dut.

Dendaria.- Jar itzazu, eta esango dizut.

Jon.- Bai, ondo eusten dira, bai. Baina aizu, orain apur bat, ez dakit, borroso samar ikusten hasi naiz.

Dendaria.- Ba kristal normal-normalak ditu, e? Zuk betaurrekoak erabiltzen al dituzu?

Jon.- Eguzkitakoak.

Jone.- Baina ikustekoak ez?

Jon.- Ezetz ba!

Dendaria.- Noiz egin zenuen azken errebisioa?

Jon.- Errebisioa? Ez naiz akordatzen.

Dendaria.- Nahi baduzu, egingo dizugu bat, une bat besterik ez da izango.

Jon.- Lasai, lasai ez da beharrezkoa, egiatan.

Jone.- Benga Jon, baietz, orain ez baduzu egiten ez duzu sekula egingo eta!

Dendaria.- 1,25 ezkerreko begian duzuna eta 1 eskuinekoan. Miopia apur bat ere baduzu.

Jon.- Joder!

Jone.- Lasai, normala da zure adinarekin.

Jon.- Entzun al duzu? Dibortzioa eskatuko al diot emazteari? Zuk zer uste duzu? Esadazu.

Dendaria.- Ni ez naiz sartuko, bestela honek koska egingo dit.

Jone.- Et, et, maja, zer esan nahi duzu horrekin?

Jone.- Beno, Jon, aurrerantzean betaurrekoak erabili beharko dituzu.

Jon.- Beno, telebista ikusteko eta gidatzeko bakarrik, e? Aizu, eta zu zergatik zara hain bordea saltzaileekin?

Jone.- Ba beitu (begiratu), ba neure satortxoa euren zulora eraman nahi izaten dutelako.

Jon.- Marrana!

Jone.- Ui! Zer esan dut ba?