ATAL 73 Vietnam txikiak
JONE
    Jon... utzi azkazalak bakean mesedez.
JON
    Ze maniatikoa zaren.
JONE
    Ni maniatikoa? Zu zara eta gauero oinetako azkazalekin txik-txik-txik-txik zabiltzana
JON
    Baina zuri zer axola dizu?
JONE
    Hozkira ematen dit
JON
    Nire azkazalak dira eta
JONE
    Ia baina soinutxoa.
JON
    Joder. Erlojuaren soinutxoa, azkazalak, eskerrak ez dudan zurrungarik egiten!
JONE
    Beno, baina nahiko ozen arnasten duzu.
JON
    Bueno eta zuk zurrunga egiten duzu tarteka, baina ni ez naiz kexatzen
JONE
    Zurrunga nik?
JON
    Bai, zuk.
JONE
    Ez dut uste.
JON
    Badakizu egiten duzula.
JONE
    Beno utzi bakean azkazalak behingoz.
JONE
    Joon azkazalaaaak!
JON
     Joderr baina ezinezkoa da entzutea.
JONE
    Baina ez zaizu eta azkazalik geratzen, utzi itzazu bakean.
JON
    Bale baina troll baten moduan zurrunga hasten zarenean nik ere bronka botako dizut

JONE
    Nik ez dudala zurrungarik egiten Jon!
JON
    Jodeer Jone, itzali mesedez argia.
JONE
    Ura edan behar dut.
JON
    Eta ezin duzu ilunpean edan?
JONE
    Baina hainbeste molestatzen al dizu ba?
JON
    Fotofobikoa naiz
JONE
    Fotofobikoa? Noiztik?
JON
    Edozer gauza egiteko argia pizten duen batekin lo egiten dudanetik.
JONE
    Eta gero ni naiz maniatikoa.
JON:
    Etzazula konparatu... nirea gaixotasun diagnostikatua da.
JONE:
    Gaixotasun bat? Eta non diagnostikatu dizute? Internetek? Edo Filipinetako kuranderoren batek.
JON:
     Bueno edan behingoz, itzali argia eta segi zurrunga lasai
JONE:
    Nik ez dudala zurrungarik egiten !!!
JONE
    Jon, oinak.
JON
    Ez nabil ezertan orain.
JONE
    Ez ez, gerturatzeko oinak nire oinetara
JON
    Buf... izoztuak dituzu eta!
JONE
    Horregatik ba.
JON
    Ez ez, paso, hoztu egingo dizkidazu, jarri galtzerdi batzuk.
JONE
    Ez duzu serio esaten.
JON
    Ez, ni ez naiz zure modukoa, benga, banoa estufarena egitea.
JONE  
    Uhmmm ze bero zauden.
JON
    Ez dakizu zuk ondo
JONE
    Jon oinak esan dut, ez eskuak.
JON
    Bularrak ere nahiko hotz dituzula iruditu zait eta.