Jon.- Baina zertan zabiltza, Jone?

Jone.- Zer?

Jon.- Zertan zabiltzan txandala jantzita.

Jone.- Kirola egiten.

Jon.- Kirola egiten? Baina noiztik egiten duzu kirola?

Jone.- Ba begira, etxe berrira etorri ginenean erabaki nuen nire gorputza zaintzen hastea.

Jon.- Nik ez daukat oraingoz kirolaren beharrik nire tipo honi eusteko.

Jone.- Ba tripatxoa igartzen zaizu, majo.

Jon.- Baina nahi dudanean flakatu naiteke ni.

Jone.- Eta ilea ere nahi duzunean irteten zaizu, ezta?

Jon.- Bai, bai, bai. Baina ez dut nahi.

Jone.- Ibarretxeren "coronilla" modan dagoela uste duzu edo zer?

Jon.- Bale, bale. Orduan gosaltzeko zer nahi du nire Jane Fondak? Croissanta edo zerealak?

Jone.- Ba zerealak, Yul Briner.

Jone.- Eta zuk zer, ez duzu pisuaren aitzakia hau ahaleginen bat egiteko
aprobetxatuko?

Jon.- Ahaleginen bat?

Jone.- Bai, promesaren bat.

Jon.- Total, ez betetzeko...

Jone.- Ba ahalegindu zaitez!

Jon.- Bale, euroa erabiliko dut.

Jone.- Zer ona, zelako graziosoa zaren.

Jon.- Aizu, zeuk galdetu didazu niri, e?

Jone.- Egin zenezake ahalegin txiki bat.

Jon.- Orain zer nahi duzu, kirola egiten hastea ni?

Jone.- Ez, baina porro gutxiago erreko bazenitu txarto ez, e?

Jon.- Aizu, nik ez dut hainbeste erretzen, e?

Jone.- Baina ia egunero erretzen duzu eta!

Jon.- Egunero bai, baina gauean, etxean lasai-lasai botata nagoela.

Jone.- Baina gutxiago erreko bazenu, hobe.

Jon.- Nik ez daukat inolako ahaleginik egin beharrik porroak erretzeari uzteko. Baina ez dut utzi nahi, zer kristo!

Jone.- Baina nik gutxiago erretzeko esan dizut, ez porroak erretzeari uzteko!

Jon.- Badakizu? Kirola egiteak ez dizu batere onik egiten, e?

Jone.- Aizu, aizu, ez ezazu aitatxo tonu hori hartu,e?

Jon.- Bale, bale, kafea egitera noa, Jane Fonda.

Jone.- Bai, joan zaitez, Yul Briner, porrero!

Jon.- Tori kafea. Aizu, eta bi kilo jaisteko txandal berria erosi behar zenuen?

Jone.- Fijatu zara!

Jon.- Hasiera-hasieratik fijatu naiz.

Jone.- Ez duzu zuk ere sinisten, majo. Ez zara sekula fijatzen.

Jon.- Hori ez da egia, ni nahikoa "detallista" naiz.

Jone.- Zer?

Jon.- Bai, badakizu ni nahikoa "detallista" naizela.

Jone.- Bai, ba zure amanteekin izango zara, zeren nirekin...

Jon.- Esadazu, beharrezkoa al zen txandal berri hori erostea?

Jone.- Beno, baina orain zer erosi dezakedan eta zer ez zuri galdetu behar dizut, ala?

Jon.- Jone, badakizu ez dela hori, baina...

Jone.- Orduan?

Jon.- Batzuetan diru kontuarekin negarrez hasten dena zeu zara eta gero... Total, lau txorrada egiteko txandal berria erosten ez duzu ba!

Jone.- Ba bai, behar nuelako, bestea zahar-zaharra zen eta gurasoen etxean laga dut.

Jon.- Bale, eginda dago, puntu.

Jone.- Aizu, gainera zer demontre, nik nahi dudana erosten dut, zuri porroak musutruk irteten zaizkizu, ala?

Jon.- Benga, benga, esnerik nahi?

Jone.- Hartuko dut nik.

Jon.- Ui! Kirola egiten hasi zarenetik, a zer emakume independientea bihurtu zaren!

Jone.- Zu, ostera, betidanik izan zara nahikoa anormala.

Jon.- Bai, horregatik maite nauzu, ezta?

Jone.- Bai, Txita, horrexegatik maite zaitut.