Jon.- Jone ez al zaizu ezer falta?

Jone.- Ba ez, ez dut uste! Zapi gorria eta guzti hartu dut.

Jon.- Eta kaskoa zer? Iruñera motorrean eta kaskorik gabe joateko asmotan al zara edo zer?

Jone.- Ostras! Egia da!

Jon.- Ostras... Orain nik zuk egiten duzuna egin beharko nuke.

Jone.- Zer egiten dut bada nik?

Jon.- Ai!!!

Jon.- Errepide zaharretik joango gara, eh? Autobiatik baino lasaiago.

Jone.- Bale, bale. Baina, ez zaitez kamikaze baten moduan joan!

Jon.- Lasai! Zuk eutsi fuerte eta kitto! Baina kontuz zer heltzen didazun, eh?

Jone.- Eh! Eta ez du balio frenatzen joateak.

Jon.- Eta orduan nola egingo dut bularrak bizkarrean sentitzeko?

Jone.- Marrano!

Jon.- Prest?

Jone.- Bai.

Jone.- Jon!!!!! Kamioia! Kamioia!!!!!!!!!!!!!!

Jon.- Jone? Jone? Ondo al zaude?

Jone.- Zer, Jon?

Jon.- Ondo al zaude?

Jone.- Baietz uste dut. Eta zu?

Jon.- Ondo. Zer da hots hori?

Jone.- Ura dirudi. Ibaia dela uste dut.

Jon.- Bai ibaia. Egarria daukat.

Jone.- Lasai! Heltzen garenean edango dugu.

Jone.- Sirenak dirudite.

Jon.- Ibaitik aterako ziren. Ibai hauetan lamiak omen daude.

Jone.- Zertan dabiltza hor behean?

Jon.- Ez dakit. Anbulantzia, Gurutze Gorrikoak... istripuren bat gertatuko zen.

Jon.- Aizu Jone ikusten al duzu?

Jone.- Ikusi zer?

Jon.- Argia.

Jone.- Argi txiki zuri hori?

Jon.- Bai. Pixkanaka-pixkanaka inguratzen ari den argia.

Jone.- Jon! Heldu eskua! Beldurra ematen dit!

Jon.- Lasai pottoka! Michael Landon azaltzen ez den bitartean, ez dago beldurra izateko arrazoirik.

Jon.- Eh pottoka!

Jone.- Ez esateko pottoka Jon!

Jon.- Aizu pottola, argia ikusten jarraitzen al duzu?

Jone.- Bai. Gero eta gertuago gainera.

Jone.- Jon!

Jon.- Zer?

Jone.- Heldu fuerte eskutik, bale?

Jon.- Horrela?

Jone.- Bai eta emadazu pikito bat!

Jon.- Pikito!!!!!!!!!