Jon.- Horko hori atzoko egunkaria al da?

Jone.- Bai.

Jon.- Pasaidazu (pasa iezadazu), mesedez. Eskerrik asko.

Jone.- Kafe gehiago egitera noa. Nahi?

Jon.- Bai, bai. Jone! Irakurri al duzu Palestinaren inguruko artikulu hau?

Jone.- Ba ez, azkenaldian ez dut egunkaririk irakurtzen.

Jon.- Israelgo gobernuak bere propaganda-kanpaina nola egiten duen azaltzen du. Baina fuertea da hau, e? Amerikanoen komunikabideetan zentsura nola ezartzen duten azaltzen da.

Jone.- Amerikanoetan eta mundu osokoetan, Jon. Hona ere zer uste duzu, egia osoa heltzen dela edo zer?

Jon.- Egia osoa ez, baina hemen beti izan gara Palestinarren aldekoak, ezta?

Jone.- Zer? Ez dizut ulertu.

Jon.- Beti izan garela hemen nahikoa propalestinoak!

Jone.- Beno, Jon, ez dut jakin zer ulertu dizudan.

Jon.- Zer?

Jone.- Ba beti izan garela nahikoa langostinoak!

Jon.- Beno, beno, eta gero ni naiz hemen etxeko porreroa, e, no te joroba!

Jone.- Aizu, gaur arratsaldean mosketero-klasea daukazu?

Jon.- Ez, gaur ez daukat esgrima klaserik, ez.

Jone.- Ba, orduan gonbida nazazu afaltzera!

Jon.- Horixe, lehenbizi mosketero deitu eta ondoren afaltzera gonbidatzeko. Zera, pija guztiek zure aurpegia daukate ala zurea espeziala da, e?

Jone.- Jon, ni espeziala naiz, pijen artean ere espeziala.

Jon.- Eta orain "horregatik maite nauzu" esan behar didazu, ezta?

Jone.- Ba bai. Ez da egia, ala?

Jon.- Bai, badakizu niri betidanik gustatu izan zaizkidala neska pijak, usainagatik, badakizu.

Jone.- Aizu, lehen neska pijen usaina esan duzunean, zelan deskribatuko zenuke usain hori?

Jon.- Ez dakit, ba, pija usaina da, usain garbia, perfumatua eta fiktizioa, benetako pijoek soilik daukaten usain hori, usainean ere, artifizialak.

Jone.- Ikusten dudanez, teoria oso bat daukazu pijoen usainaren inguruan.

Jon.- Beste gauza batzuk ez, e, eta zuk badakizu hori, baina sudurra, e, sudurra tamainakoa daukat.

Jone.- Eta kasu honetan neurriak badauka garrantzirik?

Jon.- Bai, kasu honetan ere bai.

Jone.- Aber, bola beltza sartzen badut irabazi egiten dut, ezta?

Jon.- Bai..!

Jone.- Joder, Jon, esplikatu.

Jon.- Nola esplikatu? Kristoren suertea daukazu eta! Oraindik ez dakizu makila nondik heldu eta!

Jone.- Baina beltza sartzen badut irabazi egiten dut.

Jon.- Benga, emaiozu, emaiozu. Joder, baina hori da potra, benga, Jone, beste zerbeza bat eta errebantxa partida oraintxe, e?

Jone.- Zer ordu da?

Jon.- Hamar t'erdiak.

Jone.- Goazen etxera, segituan hasiko da eta.

Jon.- Zer?

Jone.- "Gran Hermano".

Jon.- Hori ez, e, ez, ez, ni hemen geratuko naiz. Begira, Ander eta Jokin oraintxe azalduko dira.

Jone.- Bale, ba ni banoa, eta esaiezu zure lagunei billarrean zein "manta" zaren.

Jon.- Bale, agur, langostina!