Jone.- Tipa honek ez dit egun osoan hots egin, eta bilerek ez dute egun osoa irauten. Ba hots egiten badu ez diot hartuko.

Jon.- Baina non sartu da? Ez dago estudioan, eta mobila ez du hartzen. Ez zuen aprobetxatuko Itziarrekin geratzeko?

Jon.- Bai?

Jone.- Jon! Non sartu zara? Egun osoa daroat zuri deika.

Jon.- Egun osoa? Hori ez da egia.

Jone.- Zelan ez dela egia?

Jon.- Hemen mobilean daukadan zure lehendabiziko deia arratsaldeko zortzietan egin didazu.

Jone.- Beno, bilera luzatu egin da.

Jon.- Ja, Ja.

Jone.- Eta zu zer? Non sartu zara egun osoan?

Jon.- Ni estudioan egon naiz.

Jone.- Eta zuen estudio horretan ez duzue telefonorik hartzen ala?

Jon.- Bai, zortzietatik aurrera ez, ordea, inor ez delako han gelditzen.

Jone.- Eta non egon zara?

Jon.- Zinera joan naiz.

Jone.- Itziarrekin?

Jon.- Ez, ez naiz zinera joan.

Jone.- Orduan zertan ibili zara?

Jon.- Ez naiz etxetik atera, neska, saloia txukuntzen eta maritxuak ureztatzen aritu naiz.

Jone.- Eta ez duzu telefonoa entzun?

Jon.- Bai.

Jone.- Orduan zergatik ez duzu hartu?

Jon.- Ez dakit ba.

Jone.- Ui, ui, ui... Kasketoso ipini zara ala?

Jon.- Eta zuk zer, zuk ez al duzu astirik izan egun osoan hots egin eta, gutxienez, ondo iritsi zarela esateko?

Jone.- Pasatu egin zait, Jon.

Jon.- Pasatu?

Jone.- Oso nerbiosa ibili naiz egun osoan, zeren bileran, badakizu, honekin arkitekto moderno eta katalanekin, kristoren soldata daukate, arropatan ehundaka euro, baina antiglobalizazioaz eta mundua konpontzen jardun dute bilera guztian.

Jon.- Eta orain non zaude, hotelean?

Jone.- Bai.

Jon.- Zure gelan?

Jone.- Bai.

Jon.- Ohean sartuta?

Jone.- Eta biluzik.

Jon.- Biluzik? Biluzik zaude?

Jone.- Bai. Eta zu?

Jon.- Ni ez, ni ez nago biluzik baina hori momentu batean konponduko dut. Ya está.

Jone.- Eta zer moduz dago burusoiltxoa?

Jon.- Goikoa edo behekoa?

Jone.- Behekoa.

Jon.- Ba goikoarengana hurbiltzen.

Jone.- Zergatik?

Jon.- Zuk zergatik uste duzu?

Jone.- Itxoin, telefonoa almoadan ipiniko dut.

Jon.- Zertarako?

Jone.- Zertarako izango da ba? Eskuak libre edukitzeko.