Dendaria.- Kaixo, laguntzarik behar duzue?

Jon.- Ez, ez, begiratzen ari gara, eskerrik asko.

Jone.- Aizu, aizu, amerikana baten bila gabiltza, non dauzkazue?

Dendaria.- Beitu (Begiratu), hor, han, han ikusten duzue, ezta? Zein motatako amerikana, hori bai!

Jon.- Informala.

Jone.- Beno, baina elegantea, ezkontza baterako da.

Dendaria.- Aukera handia dago, eta gainera, zuk, ummm, planta polita duzu!

Jon.- Mila esker!

Jone.- Planta polita duzu! Salida!

Jon.- Egia esan, planta honekin guztiak gelditzen zaizkit ondo niri, e? Ze... begira, hauxe gustatzen zait. Hartuko al dugu?

Jone.- Hau? Hiru baino ez dituzu probatu eta! Eta gainera, lehenengo denda da Jon, gehiagotara joan behar dugu gauza gehiago ikustera!

Jon.- Beno, beno, baina ondo geratzen zait, ezta?

Jone.- Zuk ez daukazu ideiarik ere, benga, goazen!

Jon.- Bale, bale, baina ez zaitez haserretu, e?

Jone.- Denda hau gainera ez zait batere gustatzen.

Jon.- Baina, niri kodera hauek politak iruditzen zaizkit, e? Bai, bai.

Jone.- Jon, horrek modaz pasatuta daude, Mr. Bean dirudizu amerikana horrekin.

Jon.- Beno, orduan zer, beltza hobeto?

Dendaria.- Biak geratzen zaizkizu ongi, baina tira, planta ona duzu, e?

Jon.- Horixe baietz!

Dendaria.- Baina nahi baduzu, talla handiago bat aterako dizut.

Jon.- Ez, ez, ez, ez. Berdin dio. Ondo geratzen bazait, hauxe.

Jone.- Atera, atera. Atera bestea, mesedez, ea zela geratzen zaion.

Jon.- Ze, esadazu Jone: zer sentitzen da kristoren planta duen tipo baten alboan?

Jone.- Hori edonori esaten diote Jon, saltzaileak dira, pelota egitea da euren lana.

Jon.- Ja, ja, ja... Uste dut gehiagotan aterako naizela erosketak egitera. Nire egoari oso ondo etorri zaio hau.

Jone.- Ja, bale, baina ojito dependienta horrekin, e?

Jon.- Joder, Jone, gaur zelosa samarra ikusten zaitut, e?

Jone.- Ai, brometan dihardut, gainera, zuk zer uste duzu, e, hemeretzi urteko neska horretako bat zugan fijatuko dela?

Jon.- Joder, ba igual bai.

Jone.- Beitu, horien nobioak surferoak dira, eta tripa txokolate-tableta baten modukoa daukate...

Jon.- Beno, baina nik uste azkeneko saltzailearekin badaukadala aukeraren bat, ezta?

Jone.- E?

Jon.- Fijatu al zara tipoak nola begiratzen ninduen goitik behera?

Jone.- Baina hirurogei urte zeuzkan eta!

Jon.-Mmmm! Madurito atraktibo horietako bat, e? Beti gustatu izan zait niri azal ximurra.

Jone.- Gaixo bat zara, Jon.

Jon.- Jone!

Jone.- Zer?

Jon.- Zapatak falta zaizkidala!

Jone.- Beitu, horrek zuk erosi, Jon, erosketak egiten inposiblea zara eta!

Jon.- Inposiblea, nik daukadan planta honekin?