Jon.- Tira, sartu, sartu, ez da ezer pasatzen eta. Ez zaitez izan sosita, benga.

Jone.- Alde egin beharko genuke, Jon, nerbiosa jartzen naiz eta gainera bizikleta portalean laga dut eta ez naiz fidatzen.

Jon.- Baina goizeko hiruretan nork lapurtuko dizu zuri bizikleta?

Jone.- Eta zuk nondik atera dituzu pisu honetako giltzak?

Jon.- Oroitzen al duzu ostiralean ikusi behar nuen pisu hura, e?

Jone.- Bai.

Jon.- Nirekin haserretu eta ikusi nahi izan ez zenuen pisu hura?

Jone.- Baietz esan dizudala.

Jon.- Ba hauxe, hauxe da, eta, ostirala zenez, agentziakoek giltzak astelehenean bueltatzeko esan zidaten.

Jone.- Baina harrapatzen bagaituzte, zer?

Jon.- Baina nork kristok harrapatuko gaitu?

Jone.- Ba ez dakit, Jon, bizilagunen batek, edo...

Jon.- Uu! Edo mamuren batek akaso... E! Ez jo ipurdian, badakizu zer pasatzen zaidan eta.

Jone.- Zer gertatzen zaizu?

Jon.- Katxondo jartzen naizela.

Jone.- Ba nik ez nekien hori.

Jon.- Beno, ba orain badakizu, benga.

Jone.- Edozein aitzakia da ona zuretzako katxondo ipintzeko.

Jon.- Ea zuri gauza bera pasatzen zaizun, e?

Jone.- E!

Jone.- Aaa! Uuumm!

Jon.- Zigarrorik nahi?

Jone.- Ez. Zergatik galdetzen didazu beti ea zigarrorik nahi dudan?

Jon.- Ez dakit ba, edukazioa izango da.

Jone.- Edukazioa? Ba nik ez dut ulertzen.

Jon.- Ulertu zer?

Jone.- Zigarroarena! Ez dakit, ni hain hustuta geratzen naiz, ez dudala ezertarako gogorik.

Jon.- Ni ere "hecho polvo" geratzen naiz, hau da martxa hau.

Jone.- Baina Jon, zigarroa erretzeko gogo hori... Ez zarela guztiz asetu iruditzen zait.

Jon.- Ba, badakizu zer esaten dizudan? Seinalea jasotzen nahikoa txarra zarela.

Jone.- Nahi duzuna esango duzu baina sexualki zoriontsua bazina, ez zenuke zigarrotxo hori erretzeko gogorik izango.

Jon.- Beno!

Jone.- Eta teoria hori non irakurri duzu orain, Cosmopolitanen edo Emakundeko aldizkari horietan, edo?

Jone.- Ze ordu da?

Jon.- Berandu bai, e?

Jone.- Eta zer, joango gara?

Jon.- Ni, egia esan, ni hemen oso gustura nago, horrela, etzanda eta.

Jone.- Ai! Zer zabiltza?

Jon.- Lardaskatzen.

Jone.- E! Ez egin hori, badakizu nola jartzen naizen!

Jon.- Utzidazu, benga.

Jon eta Jone.- Uu, aa, oo!

Jone.- Jo, bihar agujetak izango ditut.

Jon.- Kaka zaharra!

Jone.- Zer esaten didazu?

Jon.- Tabakoa amaitu zaidala.

Jone.- Eta tabakorik gabe ezin bizi.

Jon.- Zer nahi duzu ba esatea? Begira, ondorengo zigarrotxoa erretzea mendi tontorrean ikurrina jartzea bezalakoxea da.

Jone.- Eta zu orain tontorretik hamar metrotara geratu zara, ezta?

Jon.- Ez, ez, ez. Tontorrera iritsi naiz ni, e, baina ikurrina falta.

Jone.- Beno, Jon, janzten hasi beharko dugu.

Jon.- Tira ba. Zure tanga beltz hau izugarri gustatzen zait.

Jone.- Beste bat? Ni "hecha polvo" nago, e?

Jon.- Ummm! Nik uste pisu hau hartu egin beharko genukeela. Ez dakit, bitxia da baina, nola esango nizuke, bibrazio positibo ugari nabaritu ditut nik hemen.

Jone.- Nik ere nabari ditut bibrazio horiek baina ez dira batere paranormalak.

Jon.- Ez, e?

Jone.- Badakit nondik datozen, je!

Jon.- A bai?

Jone.- Astelehenean zurekin joango naiz agentziara.

Jon.- Ah bai, e? Pisu hau hartuko dugu orduan?

Jone.- Beno, zuri zer iruditzen zaizu?

Jon.- Ba, niregatik bai, e? Benga!

Jone.- Ez da garestiegia izango?

Jon.- Ez, neska, modu batera edo bestera moldatuko gara.