ALEX SARDUI.- Egia da horrelako gauzak esaten direla diskoa grabatzen ari zarenean. Baina, gainera zera gertatu zen: singlearen hitzak ere infernuari buruzkoak zirela eta, beraz, horrelakoa izan zela testuingurua. Egia da justu kontrakoa izan nahi duela diskoak: desinhibiziorako bidea eskaini nahi du Diskoinfernuk libertate edo askatasuna dagoela gogorarazi, biak konparatuz, infernua eta askatasuna bera.

A. S.- Ez dago horretarako arriskurik, ikusten baita apur bat katxondeoan dagoela egina, azala eta kanta guztiak. Umore apurtxo bategaz egin nahi izan dugu. Diskoa beti izango da infernua eta infernua beti beroa. Baina, uste dugu barre egiteko parada ematen duela. Bekatuen kontuarekin ibilteagaz pixka bat nekatuta gagoz.

A. S.- Ez, produkzioa ez. Ordu gehiago sartu behar izan dugu beste behar batzuk prestatzen, ezta? Adibidez, geratu egin behar abeslariegaz, abestia entzun, zati batzuk aukeratzeko eta . Baina, eurek ere, etorri direnak, oso onak direnez, asko erraztu digute behar guztia. Produkzioak ez digu buruko minik sortu. Gainera, horrelako gauzak egitea diskoa aurrera joan ahala, kontu alaia izaten da.

A. S.- Bai. Rock taldea izan bada Gatibu. Baina, gu beti zabalduta gagoz edozein gauzatara. Musika mundu osokoa da eta rocka estilo bat da, eta musika mundu osoan dago. Arriskatu egin gara horrelako toke etniko bat edo aniztasunari bidea emanez, besteak beste Luis Caminoren perkusioaren bidez, apurtxo bat beste gauza batzuk ere landu izan nahi ditugulako, gozatuz.

A. S.- Nire ustez, bizkaiera beti izan da euskalki nahiko ezezaguna. Baina, uste dugu hitzak ulertzeko ez direla batere gaitzak. Begira, aurreko batean, Nafarroatik, Elizondotik, hain zuzen, komentatu ziguten uste zutela bizkaiera izanda zailagoa izango zela, gaitzagoa ulertzen, baina ezetz ikusi zutela.

A. S.- Diskoetxeak ere produkzioa nahi du, hori hala da. Baina, jendeak ere eskatzen du sei hilabetera ez, baina urte betera edo disko berria. Hori litzateke jendeak nahi duena, baina zaila da. Gertatzen dena da, talde bat eta bere disko bat gustatzen bazaizu, gura duzula jada beste bat. Hala ere, gutxi saldu eta gutxi jotzen den herrialdean, txikia den gurea bezalako herrialde batean, kontuz jokatu behar da.

A. S.- Internetetik jaitsitako musikak galdu egiten du doinua eta bertan sartuta dagoena ez da ona, jatorrizko diskoak ez dituen hainbat akats dituela badakit. Horretaz gain, diskoaren presentazioak, libretoak, karatulak eta ez dauka konparaziorik, nahiz eta hori ere fotokopia daitekeen, noski.

A. S.- Infernuan bizi gara, berotuta gatoz, kaletik gatozen bakoitzean berotuta gatoz. Diskoa geure lana da, ez dauka misteriorik: aurkezpen txukuna eta edukia, berriz, ona.

Taldearen web orria: www.gatibu.eus helbidean aurkituko duzu.