Familia bidezko hizkuntza transmisioari buruzko ikerketa

Eusko Jaurlaritzako Kultura eta Hizkuntza Politika Sailak zehaztu du zein den ikerketaren helburu nagusia: aztertzea familiek zer jokabide duten hizkuntza transmisioarekin lotuta, eta horretan eragina duten faktoreak zein diren jasotzea. Eusko Jaurlaritzaren ikerketa-egitasmoak ondorengo galderei erantzutea zuen helburu: 

Zein dira euskararen alde hizkuntza-ohiturak aldatzeko zailtasunak?

 Zein dira hizkuntza-hautu jakinak hartzeko arrazoiak?

 Nola eragiten du aldaketa horretan testuinguru soziolinguistikoak?

 Nola eragiten diete, bereziki hiztun berriei, emozioek, sentimenduek, aurreiritziek, hizkuntza-ohiturak aldatzeko prozesuan? Nola sentitzen dira elkarrekintza jakinetan?

 Nola aldatzen dira hizkuntza-ohiturak denboran zehar? (Bikotekideen arteko hizkuntza-aldaketa, bikotekideen eta seme-alaben artekoa, seme-alaben euren artekoa)

 Zein eragin du familiak, lagunarteak edota lan-giroak hizkuntza-ohituren aldaketan?

 Zein dira gako mesedegarriak prozesu arrakastatsua bideratzeko?

 Benetako aldaketa bat burutzeko aldaketa erabatekoa eman behar da ala posiblea da harreman-hizkuntza apurka-apurka aldatzea?

 Nola erreakzionatzen duten beste solaskideek elkarrekintza jakinetan?