Kosmetikoak, gure lagun minak

Kosmetikari buruz arituko gara erreportaje honetan. Nahi baduzu, beheko aldean daukazu atazan sartzeko aukera.

Kosmetika hitza entzuten dugunean, kremak, makillajea eta lurrinak etortzen zaizkigu burura, baina gorputza garbitzeko xaboiak, xanpuak eta eguzkitarako kremak ere produktu kosmetikoak dira.

Edertasuna eta garbiketa dira kosmetikaren oinarria. Merkatu zabala da, irabazi handiak izaten ditu eta hazten ari da.

Jendeari bi produktu kosmetiko aipatzeko eskatzen badiogu, gehienek makillaje-produktuak eta lurrinak esango dituzte. Oso gutxik aukeratuko dituzte egunero-egunero erabiltzen ditugun xaboiak, hortzetako pasta, desodorantea eta xanpua. Baina horiek ere kosmetikoak dira. Gero eta gehiago kontsumitzen ditugu, zaintzea gustatzen zaigulako.
 

Miren Eskisabelek hogei urte baino gehiago daramatza makillajearen munduan

Urtean 6.500 milioi euro gastatzen ditugu kosmetikan. Produktu kosmetikoen kontsumoa % 2 handitzen ari da urte batetik bestera. Eta, horien barruan, osagai naturalak dituzten produktuen kontsumoa ere gorantz doa, % 20 gutxi gorabehera, jendeari axola zaiolako, adibidez, aurpegiko krema oso garbia izatea.

Miren Eskisabelek urte asko daramatza makillajearen munduan, zineman, telebistan eta edertasun-zentroetan. Berak esan digu arruntenak hidratazio-kremak direla, “uda amaitzen denean, larruazala oso lehorra izaten dugulako”. Gainera, zimurrak kentzeko tratamenduak ere jende askok eskatzen dituela azaldu du. Bere ustez, 35-40 urte betetzen ditugunean hasten gara kezkatzen horrelako kontuekin.

Emakumeek gero eta gehiago kontsumitzen dituzte produktu kosmetikoak, baina gizonak ere hasi dira mundu horretan sartzen; “krema hidratatzaileak erosten dituzte batez ere, eta manikura eskatzen ere hasi dira”, zehaztu du Mirenek; baina gehitu egin du portzentajean oraindik oso gizon gutxik kontsumitzen dituztela era honetako produktuak, “batez ere Euskal Herrian”.

Makillajea, berriz, asko aldatu dela dio: “lehen, astunagoa zen, begietako itzala distiratsuagoa izaten zen; baina, orain, itzalak finagoak dira eta oso kolore naturalak lortu dituzte”. Makillajea “oso fina bada, politagoa izango da”, erantsi du.

 

Jendeak aholkua eskatzen du kosmetika-dendetan

Askotan moda-aldizkariekin joaten zaizkio bezeroak Mireni, ikusi dituzten makillaje-ereduak egiteko. “Egidazu hau bezalakoa; asko gustatzen zait”. Batez ere egun berezietarako behar izaten dituzte horrelako lanak: ezkontzak, festak, ospakizunak... Arrazoia oso garbi dauka gure makillatzaileak: “euskaldunak oso sibaritak gara, bai janzkeran, bai orrazkeran eta bai makillajean ere”.

Eskuratu jarduera hau pdf moduan

 

A2
2015-01-15
  • Zinea Sortzen
16165380
8264