irakurgai-mailakatuak-fitxa
Gazako oin-oharrak
Rafah, Gazako Zerrendaren hego-hegoan kokatutako hiria, toki errukarria da. Bukatu gabeko hormigoizko eraikinak batetik, zaborrez jositako kalezuloak bestetik. Karrika estuak, ume txikiz eta lanik gabeko gizonez lepo. Bulldozerrek txiki-txiki eginda utzi dituzte Rafahko toki asko, Egiptoko mugan. Gaur eta beti, Rafah hiri nabarmena da gatazkarik sutsuenetako baten erdian.
EGILEA: Joe Sacco
ITZULPENA: Julen Gabiria
ERROTULAZIOA: Ana González de la Peña, Sandro Gomato eta Alba Diethelm
ARGITALETXEA: Astiberri
URTEA: 2025
Palestina (Astiberri, 2023) eta Gerra Gazan (Astiberri, 2024) liburuetan bezala, Saccoren kazetaritza bisual bereziak xehetasun zoragarri eta zehatzez islatu du hango paisaia konplexua. Gazako oin-oharrak Saccoren orain arteko obrarik anbiziotsuena da, eta egileak, gure garaiko gatazka izugarri batetik abiatuta, esperientzia intimo eta gertukoa eskaintzen digu. Sacco erabat murgiltzen da Rafahko eta handik gertu dagoen Khan Yunisko eguneroko bizitzan, Gazaren iragana eta oraina batzeraino. Obra honek 50 urteko denbora-tartea hartzen du, bizi-bizi mugitzen da gerra batetik bestera, eta iheslarien, eskola-umeen, alargunen zein xekeen ahotsak biltzen ditu: finean, tragedia baten esentzia jasotzen du.
- 2009ko ehun libururik onenetako bat, Publishers Weekly aldizkariaren arabera
- 2009ko Nobela Grafikorik Onena, The Observer aldizkariaren arabera
Obraren zati bat ikus dezakezu esteka honetan.
