irakurgai-mailakatuak-fitxa
Oihaneko ipuinak
Horacio Quiroga eragin handiko naturalista izan zen bere garaian, eta oihanaren harremanetan bizi izan zen urte luzez. 1918an argitaratutako ipuin-sorta honek bere bi maitasun nagusiak ditu ardatz: natura eta bere bi semeak. Ipuinen bidez, bizitzaren eta heriotzaren arteko talka erakusten digu, eta arrisku guztien aurrean bizirik irauten irakasten die semeei.
EGILEA: Horacio Quiroga
ITZULPENA: Xabier Monasterio
IRUDIAK: Daniel Tamayo
ARGITALETXEA: Testu zaharrak
URTEA: 2024
Hona pasarte bat:
"Dortoka gaixoa estalpeko bazter batean gelditu zen, eta egunak eta egunak eman zituen txoko hartan, zirkinik ere egin gabe.
Gizonak egunero sendatzen zuen ardura handiz, eta gero eskuaz kolpetxoak ematen zizkion bizkarrean.
Dortoka sendatu egin zen azkenean. Baina orduan gizona gaixotu zen. Sukar ikaragarri handia zeukan, eta gorputza guztiz minberatuta."
Orrialdeak: 134
