Dokuteka
Trafikoa eta eguraldia zure irratian
Nolako eguraldia egingo ote du gaur? Bezperako edo goizeko lana izaten da eguraldiaren berri izatea, zer arropa jantzi, euritakoa hartu ala ez... erabakitzeko. Irratietako orduz orduko albistegi laburrak egokiak izaten dira horretarako.
Irudia: Google
|
HIZTEGI LAGUNGARRIA Iragarpenaren berri zehatza jasotzeko. Zer eguraldi uste den egingo duela jakiteko. |
Ahotsa offean: Euskadi Irratian, eguraldia eta trafikoa.
Aurkezlea: Errepide-sare nagusira begiratuta ez dagoela apartekorik, horixe Segurtasun Sailean errepikatu digutena. Eta, eguraldiari dagokionez, datozen orduetarako iragarpenaren berri zehatza jasotzeko, bat egin behar dugu, ohi bezala, Euskalmetekin. Bertatik, zuzenean. Maialen Martija. Egun on.
Maialen Martija: Egun on.
Aurkezlea: Ze tenperatura ditugu une honetan?
Maialen Martija: Bueno, ba, une honetan, baxuena Gasteizen dago: bertan 7 °C baino ez daude; Iruñean, 11; Donostian eta Baionan, 12na gradu daude; eta Bilbon epelena: bertan, 14 °C daude.
Aurkezlea: Eta oraingoz behintzat, esango dugu datozen orduetan giro eguzkitsua nagusituko dela, nahiz eta arratsalde-iluntzerako ekaitzen bat garatuko den, ez?
Maialen Martija: Hori da, bai. Udako itxura hartuko du eguraldiak, gaur, eguneko ordurik gehienetan. Behe-lainoa sortuko da, eta sortu da jada ohiko lekuetan, baina, jaso bezain laster, goi-hodei finak baino ez ditugu zeruan ikusiko. Beraz, giroa eguzkitsua izango da, eta tenperatura igotzen hasiko da.
Gainera, gaur hegoaldeko haizea ibiliko da, eta honek tenperaturari igotzen lagunduko dio. Gauzak horrela, beroenak altuak izango dira gaur, 25 °C-ra iritsiko dira termometroak, ia denean; soilik kostaldean, brisa dela-eta, beherago geldituko dira, baina barnealdeko toki askotan 26 edota (eta/edo) 28 °C-ra ere igoko dira maximoak.
Arratsaldean zehar, bai, trumoi-hodeiak garatzen hasiko dira, eta zenbait tokitan baliteke zaparrada mardulen bat botatzea. Ez dugu, gainera, kazkabarra botatzea baztertzen. Beraz, eguna giro nahasiarekin bukatuko da zenbait tokitan, baina, ordura arte, uda-garaiko eguraldiaz gozatzeko aukera izango dugu.
Aurkezlea: Eskerrik asko, Maialen. Gero arte.
Maialen Martija: Zuri. Agur.
