Dokuteka
Garraio publikoa, zure onurarako
Bihurtu zure bidaiak atsedenaldi: deskonektatu gidatzetik, gozatu bideaz, gorde dirua eta hartu arnasa garbiago. Garraio publikoa, zure onurarako.
Irudia: Pixabay
|
HIZTEGI LAGUNGARRIA Asmo onak. Zerbait egiteko nahia; normalean, urte hasieran edo ikasturte berriarekin batera. |
Kurtso berrian, bueltan dira asmo onak: “Gehiago irakurriko dut”; “Aurreztea lortu behar dut”. Baina, horrez gainera, bueltan da goiz jaikitzea, atzera eta aurrera ibiltzea eta hirietako trafiko gogaikarria. Jakin duzu lanerako joan-etorrien % 60 auto pribatuetan egiten dela? Horrek auto-pilaketak sortzen ditu puntako orduetan, errepideak kolapsatzen ditu, eta sekulako ingurumen- eta hots-kutsadura eragiten du. Eta, gainera, askotan, pertsona bakarra dago auto bakoitzean. Ibilgailua partekatzea aukera ona izan daiteke, baina garraio publikoa da trafikoa optimizatzeko baliabiderik onena. Izan ere, gure joan-etorriak eraginkorragoak eta jasangarriagoak dira hari esker, eta, gainera, aurrezteko modu bat ere bada, autoarekin lotutako gastuak ―erregaia, mantentze-lanak, bidesariak...― garraio publikoarekin lotutakoak baino lau aldiz handiagoak izan daitezke-eta. Hasi (has) dezagun kurtso berria asmo onez beteta. Hartu liburu on bat eta eraman zaitzatela!
EITB, gizarte-transformazioan ekinean.
