Kazetaria G: Eta urari buruz hitz egin behar dugu. Bi hitz egin behar ditugu, apunte labur bat. Izan ere, etxeetako ur kontsumoa aurrezteko ordenantza berria onartu du Eskoriatzako udalak. 
Kazetaria E: Saioa Altzua udaleko teknikaria telefonoan dugu. Arratsalde on. 
Saioa Altzua, udaleko teknikaria: Arratsalde on. 
Kazetaria G: Noiz hasiko zarete ordenantza hau aplikatzen? 
Saioa Altzua:  Beno, ba ja onartuta dago, orduan ja. 
Kazetaria G: Ja! Honek zer esan nahi du, Saioa, Eskoriatzan egiten diren etxe berrietan… 
Saioa Altzua: Bai, beno, etxe berrietan jarri beharko direla ura aurrezteko sistemak, eta baita, ba beno, obraren bat edo birgaitzeren bat egin behar den eraikin zaharretan  be.   
Kazetaria G: Beraz, obra bat egin behar bada, eta gauza berriren bat egin behar bada etxean, hori ere errespetatu beharko da. Etxe berrietan ere bai. Ura aurrezteko sistemak, ze tipotako sistemak? 
Saioa Altzua: Beno, ba etxebizitzetan jarri beharko dira sarreretan presio erreguladoreak, kontrolatzen dutenak ze presiokin sartzen den ura gure etxeetara. Gero, txorrotetan eta dutxetan jarri beharko dira difusoreak, hauek emaria ere gutxitzen dute eta dexente aurrezten da honekin, eta gero, ur tangetan jarri beharko dira aurrezteko sistemak, izan beharko dira deskarga bikoitzekoak edo bestela hustuketa eteteko aukera daukatenak. Hori etxebizitzetan. Gero, oso bloke handiak baldin badira, ba 24 etxebizitza baino gehiago baldin badira edo ur kontsumo oso altua edukiko duten eraikinetan ur grisak berrerabili beharko dira, eta gero gainera… 
Kazetaria G: Ur grisa zein da, dutxakoa adibidez? 
Saioa Altzua: Dutxakoa eta lababoetakoa, bai.  
Kazetaria G: Horiek erabili ondoren, berriz erabiltzeko modua egin beharko da. 
Saioa Altzua: Hori da. Gero berriro komunetako tangak betetzeko erabili beharko da. Eta gero gainera, egiten diren eraikinek-eta edukitzen badute ureztatzeko mila metro karratu baino gehiagoko eremuak-edo, ba horiek egin beharko dute euri-urak jaso eta gero hauek ureztatzeko erabili.  
Kazetaria G: Beraz, ea ondo hartu ditugun gauza guztiak. Batetik, presioa kontrolatu beharko da. Bestetik, esan dugu, ur tankeak-edo bi deskarga egiteko moduan edo, behintzat, kontrolatu ahal izateko moduan jarri beharko direla.  
Saioa Altzua: beno, horiek, normalean ja, jendeak horiek erabiltzen ditu. 
Kazetaria G: Bai, horiek daude ja saltokietan, ezta? 
Saioa Altzua: Bai. 
Kazetaria G: Eta beste kontua izango litzateke, gure dutxako edo lababoko ur hori aprobetxatzea komunerako. 
Saioa Altzua: Horixe da. Baina hori etxebizitza berrietan eta 24 etxebizitza baino gehiagoko bloke handietan.  
Kazetaria G: Eta gero, euriaren ura aprobetxatzeko modua ere bai toki jakin batzuetan. 
Saioa Altzua: Horixe da.  
Kazetaria E: Eta zenbat ur aurreztuko da gisa honetan, Saioa? 
Saioa Altzua:  Ba, ez dakigu. Kopurua ez dakigu, baina beno, dezente, e? Horrelako sistemak jarriz gero-eta ehuneko nahiko altua izango da.  
Kazetaria G: Beraz, tonto-tonto dezente aurreztu da. 
Saioa Altzua: Horixe da. Oso ondo. Honelako neurriak toki askotan hartzeko asmoa dela iragarri iragarri izan da, baina, ordenantza ja martxan jarrita toki askotan dago Euskal herrian? 
Saioa Altzua: Ba, Euskal Herrian guk ez dugu besterik topatu. 
Kazetaria G: Lehenengoa izango litzateke hau? Ze toki askotatik esan izan da baietza, ordenantza tipo hau ja onartuko dela eta… 
Saioa Altzua: Ba… guk, behintzat, ez dugu topatu. 
Kazetaria G: Beraz, gaurtik aurrera ja, hau lege da eta errespetatu behar da. 
Kazetaria E: Saioa Altzua, milesker. 
Kazetaria G: Ondo segi.