Jone.- Jon! Etxean zaude?

Jon.- Bai, hemen nago, saloian.

Jone.- Ezetz jakin norekin egin dudan topo?

Jon.- Ez ba.

Jone.- Asmatu.

Jon.- Nola asmatuko dut ba?

Jone.- Esan izenen bat.

Jon.- Ez dakit ba, Ander.

Jone.- Ez, Ander baino guapoagoa da.

Jon.- Ander baino guapoagoa? Itziar.

Jone.- Ez, ez da Itziar. Gure bizilagun guapoa da.

Jon.- Danesa?

Jone.- Ba, bizikletan nindoan eta zebra-paso batean nahi barik ia tipo bat harrapatu dut, eta bera zen.

Jon.- Eta, moskeatu egin al da?

Jone.- Ez, zuk zer uste duzu, jende guztia zure modukoa dela edo zer?

Jon.- Barkatu, barkatu, norbaitek bizikleta batekin zebra-paso batean harrapatzen bazaitu eskerrak eman behar zaizkio, noski, jakina. Europarra izateak horrelako abantailak ditu, badakizu.

Jone.- Ba, ez, ez da haserretu, zer moduz zegoen galdetu diot eta berak nire izena zein den galdetu dit.

Jon.- Eta?

Jone.- Eta? Ba, esan egin diot, jakina.

Jon.- Zer esan diozu ba, "Hellow, I am pottoka"?

Jone.- Hori, hori, I am pottoka, eta nirekin bizi den tipoa nire mutil laguna ez dela esan diot, kaletik jaso nuen mozolo bat dela, beste barik.

Jon.- Ja, ja! Zu ere oso graziosoa zara nahi duzunean, e?

Jone.- Ba, tipoak Björn dauka izena.

Jon.- Björn? Borjen moduan orduan, e? Eta nondarra da?

Jone.- Suekoa.

Jon.- Bjorn Borj bezala.

Jone.- Hori tenista zen, ezta?

Jon.- Bai, bai, mundiala. Niretzat onena McEnroe zen baina McEnroe eta Borjen arteko partidu horiek ez dira orain ikusten.

Jone.- Horrek egurrezko raketekin jolasten zuen, ez?

Jon.- Zer ba?

Jone.- Ez, niri aspaldiko jokalariak irizten zaizkidalako.

Jon.- Eta zuk nola demonio dakizu hainbeste tenisari buruz?

Jone.- Ui! Ba hori udan, tenis ikastaroetara bidaltzen ninduten.

Jon.- Egia, batzutan ahaztu egiten zait pijilla batekin bizi naizela.

Jone.- A, Jon! Lehen ahaztu egin zait esatea. Afaltzera gonbidatu dut.

Jon.- Zer?

Jone.- Afaltzera gonbidatu dudala!

Jon.- Nor, tenista?

Jone.- Bai, Bjorn.

Jon.- Txantxetan ariko zara, ezta?

Jone.- Ezin nuen gutxiagorik egin, ia-ia bizikletarekin harrapatu dut.

Jon.- Eta gaur al dator?

Jone.- Ba ez, aste guztia lagun bat bisitatzera ei doa Bartzelonara. Datorren asteko egunen batean etortzeko esan diot.

Jon.- Bale, orduan gure tenistari etxean bezala sentitzeko salmoia preparatuko diogu afaltzeko, e? Eta Abbaren diskoak jarriko dizkiot, Waterlloo eta horiek.

Jone.- Ez dela noruegoa, suekoa dela!

Jon.- Eta?

Jone.- Ba, salmoia Noruegan jaten dute.

Jon.- Eta Suezian, jakina, Suezian multa jartzen dizute izokina jateagatik, ezta?

Jone.- Jo, ilea jausten hasi zaizu, baina oraindik ez duzu adoleszentzia gainditu, e?

Jon.- Orain ez hasi nire ile kontuekin, e? Tenista horrek ere a zer entradak dituen hemen kopeta inguruan!