Jon eta Jone II. Kaleidoskopioa (75)

Jonek kaleidoskopioa ekarri dio Joneren semeari eta euskaltasunaz hitz eginez bukatzen dute elkarrizketa.


Jaitsi
Transkripzioa:[+] Transkripzioa:[-]

ATAL  75 kaleidoskopioa

W- JON Bulegoan zaude?
W-JONE Bai
W- JON Memento bat pasa naiteke?
W- JONE Baina zertara etorri behar duzu bada?
W-JON Zuriñeri bi musu ematera
W-JONE (graziarik gabe) Ja ja ja ja
JONE
    Zer, eman al dizkiozu bi musuak Zuriñeri?
JON
    Bai, oso sinpatikoa (atsegina) da Zuriñe.
JONE
    Bai, Zurekin bai, seguru nago musu ematerakoan besotik heldu dizula.
JON
    Ba ez dakit.
JONE
    ¨Sinpatikoa¨ dagoenean hori egiten du, mutilekin bakarrik “klaro” (jakina)
JONE
    Eta zertara etorri zara?
JON
    Hau ekartzera... Nikorentzat da.
JONE
    Ui, eta zer da?
JON
    Kaleidoskopio bat, sekula forma eta irudi berdin bat errepikatzen ez duen tramankulua.
JONE
    Eta nondik begiratu behar da?
JON
    Hementxe dauka zuloa, jarri leihora begira eta mugitu xuabe-xuabe.
JONE
    Ze polita, elizetako bidrierak (beirateriak) dirudite.
JON
    Buff … nabari da bai Jaungoikoa (Jainkoa) eta lege zaharrak geneetan daramatzazuela.
JONE
    Aizu Jon, bada etorri zaitez gaur arratsalde partean eta emaiozu zuk.
JON
    Ez dut molestatu (traba egin) nahi, zuen zereginak izango dituzue.
JONE
     Keba, etorri eta emaiozu zuk. Horrela nik afaria prestatzen dudan bitartean kanguroarena egingo  duzu
JON  
    Bale, afaltzeko zerbait eramatea nahi duzu?
JONE
    Ez lasai, atzo amak tuper piloa ekarri zuen.
JON
    Aizu zure gurasoek ba al dakite gu.
JONE
    Zergatik uste duzu ekarri zuela tupper piloa? Tripetatik konkistatu nahi zaituzte berriro.
JONE
    Nikori gustatu zaio kaleidoskopioa, ohera eta guzti sartu du.
JON
    Aizu Jone, lehen zure amarena eta tripena esan duzunean, lagun batek euskaldunez esaten zuenaz akordatu naiz.
JONE
    Buf... edozer gauza izan daiteke.
JON
    Burua elikatzea baino sabela elikatzea aukeratu duen herria garela zioen.
JONE
     Esageratu samarra zure laguna.
JON
    Bai eta begetarianoa, tipo triste samarra, baina oso argia.
JONE
    Topikoen kontuak beti dira kutre samarrak.
JON
    Joder ba egun telebista edo zinemara joatea besterik ez dago. Andaluz eta Euskaldunen moda puta hori.
JONE
    Ia, bueno nik egia esan ez dut ez pelikula ez telesailik ikusi.
JON
    ¨Kabenzotz¨, ¨Aiba la ostia¨... euskaldunak ez diren baskoek erabiltzen dituzten esamolde pare bat bota eta Marianiko el Cortoren moduko pertsonaiak egiten dituzte.
JONE
    Ni akordatzen naiz haurrak ginenean guretzat kolegioetakoak zuzenean espainolak zirela eta haientzat, gu, ikastoletakoak, kaxeroak.

JON
    Ba dirudienez euskaldunon irudia esportatzeko aukeratuak izan direnak kolegioetako horiek dira eta gu ¨kaxero¨ gisa saldu gaituzte toki guztietan.
JONE
    Bueno, baina beti izan da apur bat horrela ezta?
JON
    Bai, eta bueno gure errua ere bada eh, guri ere gustatzen zaigulako euskaldun tripazain, indartsu eta musugorri ergelaren klitxe hori, besterik ez dugu saltzen sukaldariak, kirolariak eta historiaren zulo beltzean galtzen den herriaren matraka.
JONE
    Ia eta gu ere kaleidoskopio bat gara, beste edozein herriren modukoa, aldatzen eta garatzen doana.
JON
    Batzuetan gezurra badirudi ere...  Aizu  ongi ekarria kaleidoskopioarena.
JONE
    Klaro, argi dago bikote honetan nor den burua elikatzen duena eta nork sabela.
JON
    Touche..

Interesatzen zaizu



B2 C1
2015-05-04
16268921
1645