ATAL 71 Zaborrak

ETXEAN

JON
    Jone, kongelatuen (izoztuen) bandeja (azpil) hauek ze poltsatan doaz?
JONE
     Ze bandeja?
JON
    Bai, kortxo zuria diruditen hauek
JONE
    Ah horiek nik plastikoen edukiontzira botatzen ditut.
JON
    Bale
JONE
    Baina egia esan ez nago ziur... zaborren kontu guzti hau ulertzeko ia ia master bat egin beharra dago eta...
JON
    Eta hori Ingurumen Sailean lan egiten duen batek dio.
JONE
    Zentzurik ez duena da herri ezberdinetan sistema ezberdinak erabiltzea... azkenean indarra galdu eta baliabide ezberdinetan xahutzen dugu lan guztia...
JON
    Ba niri atez-atekoa ongi iruditzen zait.
JONE
    Klaro nola ez, zure lagunen sistema delako.
JON
    Nire lagunak? Nortzuk dira nire lagunak? Podemosekoak?, Ciutatans? Rosa Diez?
JONE
    Badakizu zuk ongi.
JON
    Hori da arazoa, zaborren asuntoa (kontua, gaia) berehala lotzen duzuela alderdi politikoekin eta ez dauka inongo zerikusirik.
JONE
    Zure lagunak dira guztia nahasten duten lehenak.
JON
     Ba pentsa, haientzat ere errazagoa zen ezer ez egitea, zer irabazten dute ba zaborren kontuarekin?
JONE
    Ez dakit Jon, nik diodana da ez dutela ongi egin, pentsa, zuk ere ez dakizu zein edukiontzitan doan bandejatxo hori.

JONE
     Aizu... ni ez nagoela kontra eh!, baina uste dut asmoa ona izanda ere ez dutela modu aproposean planteatu... ezin da egun batetik bestera, zaborra kalera botatzen zuen jendeari arraina erosteko tuperrak banatzen hasi...
JON
    Jakina, errazagoa da zuek egin duzuena,  ah ez duzuela ezer egin azken 20 urteotan.
JONE
    Klaro, nahita, pentsa kontenedoreak (edukinontziak) kendu izan bagenitu. Zer erreko zuten zure lagunek?
JON
     Nire lagunak aspaldi pasa ziren zure lagunei hainbeste diru ematen dieten bankuetako kajeroak erretzera.
JONE
    Zurekin bat nator zaborren asuntuari heldu behar zitzaiola eta ausardia izan dutela gaiari heltzen, baina ez dute modu egokian egin, jendea hezi behar da lehenago.
JON
    Klaro, horretarako betikoa heziketa kanpaina, dena dira heziketa kanpainak, gauzarik zentzuzkoenak egiteko ere heziketa kanpaina behar da, jendea ergela delako.
JONE
    Beno, aizu, utzidazu bakean, beranduegi mitin bat agoantatzeko.
JON
    Ez ba, jendea ez da ergela eta egindakoaren ardura hartzen badaki.
JONE
    Eta ardurarik hartzen ez duenari zigorra orduan?
JON
    Ba bai.
JONE
    Hara, enroilatu progresista izatetik faxista izatera pasa zara 10 segundotan.
JON
    Aizu Jone,  eta faxista honek  nora bota behar ditu kafe hondakinak?
JONE  
    Organikoetara.
JON
    Ziur? Nik entzuna daukat iturritik behera boteaz desataskatu egiten duela.
JONE
    Bai klaro eta papaya zukuak kantzerra (minbizia) sendatzen duela ere entzun dut nik, baina kafe hondakinak organikoen poltsara.
JONE
    Jon, geratu lotara nahi baduzu.
JON
    Faszista batekin oheratu nahi duzu gaur?
JONE
    Gaur? Mutil batekin oheratzen zaren bakoitzean faxista txiki batekin oheratzen zara.
JON:
    Bueno, falta zaizun gauza bakarra alkandora ireki eta bularrak erakustea da
JONE
    Baina zer diozu?
JON
    Bota didazun Femen diskurtso horrek zentzua izan dezan,  gutxienez erakutsi titiak.
JONE
    Anormal
JON
    Bueno, baina nahi duzu faxista batekin oheratu edo ez?
JONE
    Baietz ba
JON
    Ba goazen lehen lehenbailehen, honez gero nire diktadore txikia zure lurraldeak inbaditzeko desiratzen dago eta.