Hortzak zuritzen (33. atala)

JONE:
    Ez duzu bizarra egiteko asmorik?

JON:
    Ez zaizu gustatzen? Zuk esan zenidan moduan oso modan dago orain bizar-kontua….

JONE:
    A, klaro (jakina).. zuk modagatik egiten duzu.. beti izan zara modak jarraitu dituen horietakoa...

JON:
    Ez daukat oso luzea, nagiagatik da, baina hauetako egun batean kenduko dut.

JONE:
    Ba, ea hauetako egun bat aurten den.

JON:
    Zuri zer inporta dizu ba?

JONE:
    Niri ezer ez... zuregatik esaten nuen. Uy, ez nintzen orain arte fijatu (erreparatu)... erakutsi hortzak?

JON:
    Zerbait daukat hortz artean?

JONE:
    Artean baino, hortzetan... nahiko horituak dituzu, Jon..

JON:
    Yastamos...

JONE:
    Nik ez dizut esango zer egin behar duzun edo zer ez, baina badaude hortzak zuritzeko sistemak.

JON:
    Seguru, eta hortz guztiak kendu ditzaket eta George Clooney-ren ahoa jarri...

JONE:
    Joder, Jon... askotan apaiz bat baino atzerakoiagoa zara!

JON:
    Bai, klaro (jakina), gaur egun moda guztiak jarraitzen ez dituenari apaiza esaten zaio, nik nire ahoa daukat.. Ez ditut katalogo batetik ateratako hortzak nahi.

JONE:
    Nik ez dizut hori esan. Komentatu dizut hori samarrak dituzula, normala dela, adin kontuagatik.

JON:
    Bale, orain adina.

JONE:
     Jon, nik egin neban hortzak zuritzeko tratamendu bat, txorrada (txorakeria) bat da, dentistara joan eta kito.

JON:
    Nik dentistak beste erremediorik ez denean bakarrik bisitatzen ditut, komisaldegiak (polizia-etxeak) bezalaxe.

JONE:
    Bueno, nahi duzuna, bihar geratuko gara igerilekuaren ostean?

JON:
    Bai...

JONE:
     Zer daramazu ahoan...

JON:
    Funda bat

JONE:
    Funda bat?

JON:
    Bai, itxaron, kenduko dut-eta.

JON:
    Hortzak zuritzeko funda bat da.

JONE:
    Hara, azkenean dentistara joan zara orduan.

JON:
    Ez, keba... Internetez erosi dut eta etxera segituan bidali didate.

JONE:
    Internetez?

JON:
    Bai, Interneten  nahi duzun guztia eros dezakezu.

JONE:
    Serio ari zara?

JON:
    Bai.

JONE:
    Eta zergatik ez zara joan dentistara?

JON:
    Esan nizun, dentistara eta komisaldegira, beste aukerarik ez dagoenean soilik.

JONE:
    Erakustazu paketea...

JON:
    Hauxe.

JONE:
    Baina zer hizkuntzatan dago?

JON:
    Ez dakit, nik uste ekialdeko herrialde bat izango dela... Errumania, Bulgaria edo halakoren bat..

JONE:
    Eta orduan nola jakin duzu tratamendua nola egin?

JON:
    Instrukzioetan marrazkiak daudelako, badakit ez naizela zu bezain inteligentea, baina hainbestera iristen naiz.

JONE:
     Ez keba, zu oso inteligentea zara, ikusiko duzu Chernobiletik datorren krema honek zer ongi utziko dizkizun hortzak, bi egun barru hortzik geratzen bazaizu, behintzat.

JON:    Zein exagerada (ahobero) zaren!

JONE:    Nik, behintzat, musu-koarentenan jarri zaitut oraintxe.

JON:    Oraintxe?