Sare Sozialak

JONE:
    Aizu Jon eta zuk zergatik ez duzu facebook edo twitterik?
JON:
    Eta zuk nola dakizu hori?
JONE:
    Ba behin edo behin saiatu naizelako zu bertan topatzen...
JON:
    Ah bai e? Nire bila aritu zara sare sozialetan... aitortzeko besterik?
JONE:
    Zure bila eta jende askoren bila... horretarako da facebook...
JON:
    Ziur? Nik uste nuen norberaren ipurdia bestearena baino nabarmenago uzteko zela...
JONE:
    Baina zer diozu?
JON:
    Ba sare sozialak horretarako direla... zein brillantea, eta ze azkarra eta ze guaia zaren erakusteko plataforma...
JONE:
    Bueno Jon, ez hasi orain eh...
JON:
    Benetako bizitza izan beharrean, bizitzaren antzerkia dira sare sozialak..
JONE:
    Paulo Coelhok abduzitu zaitu berriro?
JON:
    Baina jendeak jartzen dituen argazkiak ikustea besterik ez dago joder... auto-bonbo plataforma bat dela uste du jendeak, baina duintasunerako auto-bonba bat dira sare sozial puta horiek...
JONE:
    Bueno, bakoitzak nahi duen erabilera ematen dio...
JON:
    Bai jakina… ihesa eta malariaren bakuna lortzeko erabiltzen da facebooka,  no te joroba...
JONE:
    Aizu Jon tonto jartzen zarenean oso tonto jartzen zara...
JON:
    Hara ze esaldi biribila.. ze txispa!!, twiteatu ezazu...
JONE:
    Bale, argi geratu da.... ez zaizkizu sare sozialak gustatzen.. eta ez duzu sare sozialik...
JON:
    Bai, ba daukat,.. baina niri gehiago gustatzen zait tuenti.. badakizu.. nerabeen atzetik ibiltzen den horietakoa naiz...
JONE:
    Eta zuk ez duzu sekula egin ezta? Ez zara inoiz sartu sare sozialetan.. ez duzu sekula zure izena jarri Google-en...
JON:
    Bai jakina.... azken urteotan zure facebook-a kuxkuxeatu dut tarteka.. esan nizun...
JONE:
    Ba hori koldarkeria hutsa da... besteena kuxkuxeatzen ibiltzea zurea jarri gabe..
JON:
    Zergatik?. Zergatik ez naiz ba sartuko beste jendearen sare sozialetan? Ez dira pribatuak. Sarean daude. Guztion eskura.
JONE:
    Ia baina... ez zait bidezkoa iruditzen...hori voyeurismoa da...
JON:
    Orduan hondartza batean norbaitek nudismoa egiten badu beste guztiak derrigortuta al gaude nudismoa egitera? Leiho aurrean biluzten denari kulpa bota beharrean, begiratzen duenari botatzen diozu zuk...
JONE:
    Bueno ez zaitez berotu e.. belarria ia gorri-gorri daukat eta...
JON:
    Jende berria topatzeko? Nik ez dut jende berririk topatu nahi. Nik norbaitekin harremana nahi badut... harekin kontaktuan jartzen naiz eta kito.
JONE:
    Bai baina duela 20 urteko klasekide (ikaskide) bat... nola topatzen duzu...?
JON:
    Ez badaukat haren kontakturik...  seinale  interes gehiegi ere ez dudala…
JONE:
    Ia, eta kanpora joan den norbait? Edo lan konturen batengatik? Edo,..
JON:
    Ba sarean bilatzen dut..
JONE:
    Ikusten?
JON.
    Baina hori gauza bat da eta bestea zure Greziako oporretako 300 argazkiak zintzilikatzea... edo zure bizitzaren erretrasmisioa egitea... Zer jaten duzun, zein ongi pasatzen duzun,...
JONE:
    Bueno hor ere neurriak daude?
JON:
    Eta nork errespetatzen ditu?
JONE:
    Nik bai.. nik ez dut apenas Nikoren argazkirik jarri adibidez
JON:
    Apenas,.. orduan noizbait bai..
JONE:
    Baina berdin zait... ez du ezkutatzeko ezer.. Zu zer zara ba? Ikusiezina izan behar duen espioi bat? Superagente bat? Terrorista bat?
JON:
    Bueno horietako gehienek ere facebook badute... asike (beraz) berdin dio, eta gainera gaur egun edozein txotxolok balio du espioi edo terrorista izateko...
JONE:
    Ba sare sozialetan ez bazaude gauza asko galtzen duzu...
JON:
    Hori egia da.. baina zer da galtzen dudan hori?
JONE:
    Hara, eta bere gaztaroa telebista aurrean zaborra ikusten eta porroak erretzen xahutu  dituen batek esaten dit hori?
JON:
    Bueno eta zuri konpainia egiten ere bai..
JONE:
    Orain zer zara sare sozialen beharrik ez duen intelektual bat?
JON:
    Ez, bistan da troglodita bat naizela... sare soziala ez izateagatik amish bat naiz... atzeratu bat...
JONE:
    Ba apur bat bai Jon... apur bat bai...