Oporrak irailean

Gehienek oraindik uztaila eta abuztua aukeratzen dute oporretara joateko, baina geroz eta gehiago dira ekainean eta irailean joaten direnak oporretara.

Euskal Telebistako erreportaje honetan kontatuko digute zer-nolako jendea joaten den irailean oporretara, eta zer alde onak dituen hilabete hori aukeratzeak. Zu ere joango zinateke irailean oporretara?


Transkripzioa:[+] Transkripzioa:[-]

ESATARIA. Amaitzen ari da abuztua eta horrekin batera haurrak dituzten famili askoren oporraldia. Iraila iristearekin, ordea, beste bidaiari-mota batentzat hasten da gozatzeko unea.
BIDAIA-AGENTZIAKOA. Izaten dira gazteen taldeak, nagusien taldeak ere bai eta bikoteak batez ere.
ESATARIA. Gero eta gehiago dira udako masifikazioetatik ihes egin nahi dutenak.
BIDAIA-AGENTZIAKOA. Irailean jende gutxiago dagoelako batez ere leku turistikoetan, eta prezioen aldetik.
ESATARIA. Opor-lekua ere aldatzen da irailean, urrutiago doa bidaiaria, estatuko kostalde eta irletan prezioak ez direlako ia jaisten.
BIDAIA-AGENTZIAKOA. Prezio berdinean igual topatu dezakegu Europarako bidaia exotikoago bat, edo inkluso, ez dakit, Karibera edo Asia aldera.
ESATARIA. Momentu aproposa da gainera, azken orduko pagotxaren bat harrapatzeko.
BIDAIA-AGENTZIAKOA. Bidaia bat 2.500 eta piku eurotan egon zena, 1.900era baxatu da, ateratzeko orain, irailean.
ESATARIA. Ahal izanez gero, beti delako bidaiatzeko momentu ona.

B1
2018-09-05
16146057
00:01:07
3009