irakurgai-mailakatuak-fitxa
Burdinazko Bizitzak: gorritxoak
Gallarta eta inguruko meatzari-herrietan orain bizpahiru belaunaldi jendea nola bizi zen, zein egoera latzean eta zein eskubide gutxirekin, gazteei azaltzen ahalegindu da idazlea kontakizun honetan.
Festak ere ageri dira, dena ez baitzen lana. Idazleak esana da helburu didaktikoa duela liburuxkak literarioa baino areago. Bi ume dira protagonistak, Isidora eta Fidel, eta jaiotzen direnean hasten da liburua eta 12 urte betetzen dituztenean bukatzen. Isi edo Isidorak Dolores Ibarruri, La Pasionariaren zertzeladak omen ditu eta Fidelek, berriz, egilearen aitona batenak. (Hitz batzuk oin-barrenera ekarri ditu idazleak sinonimoren bat edo hitzaren itzulpenarekin batera).
Egilea: Alberto Bargos Cucó
Itzulpena: Karlos Santisteban
Argitaletxea: Ediciones Beta III
Argitalpen-urtea: 2015
Hona pasarte bat:
Isidorak, sarritan, meza aspergarritik alde egiten zuen, izan ere ez zuen ezer ulertzen latinez ematen zelako, eta korrika joaten zen bere aitarengana bere elkarrizketak entzutera.
-Lankideok, noiz arte uste duzue jasan ahalko dugula lan baldintza hauetan? Hauxe da unea! –oihu egiten zuen– gure eskuetan dago egoera hau iraultzea!
(33. or)
