Jone.- Jon, musika ipiniko duzu?

Jon.- Zer entzun nahi duzu?

Jone.- Ez dakit, baina ipini zeozer (zer edo zer) lasaia, beno lasaia eta alaia.

Jon.- Horixe, lasaia eta alaia. Eta sorpresa izan dadila gainera.

Jone.- Zer, zer diharduzu hor marmarrean?

Jon.- Ezer ez, zuk musika baino Kinder Sorpresa bat nahiago duzula.

Jone.- Benga, ez izan graziosilloa eta ipini zeozer.

Jon.- Beno, badakizu, nik nahi dudana jarriko dut.

Jone.- Beno, ba ipini zuk nahi duzuna.

Jone.- Joder, eskerrak lasaia eta alaia esan dudan.

Jon.- Lasai-lasaia ez da, baina alaia bai, e, kañeroa musika, e?

Jone.- Baina, zelako makarra zaren, Jon,

Jon.- Zer?

Jone.- Ezer ere ez. Aizu, kaxa hauek toki batetik bestera mugitzen jardun beharrean, ez dakit zergatik ez duzun bertan dagoena jasotzen.

Jon.- Jasoko dut, baina tarte bat hartzen dudanean, orain badakizu lanera joan behar dudala, bale?

Jone.- Beno, ba nahi baduzu jasoko ditut nik. Armairuan sartuko ditut kaxan daudenak, bale?

Jon.- Bale, ez bazaizu inporta, zoragarri.

Jon.- Kaixo, Jone, etxean naiz.

Jone.- Ja, ikusten dut.

Jon.- Zein txukun dagoen saloia, e?

Jone.- Bai, ezta?

Jon.- Kafetxo bat egitera noa. Nahi al duzu?

Jone.- Aizu, Jon, nondik atera dituzu hauek biak?

Jon.- Bi zer?

Jone.- Bai, bi hauek, ikusten?

Jon.- Hori zer da, Parlamentuko Pentsio-Plana?

Jone.- Ez, listillo, porno pelikulak dira.

Jon.- Eta non zeuden ba?

Jone.- Ba zure kaxan.

Jon.- Ah, bai? Ba ez naiz akordatzen nik bertan sartu izana, ez.

Jone.- Ja, ja, ja, nik ez nekien porno pelikulak gustatzen zaizkizunik.

Jon.- Beno, gustatu, gustatu... noizean behin ikusi izan ditut baina hortik gustatzera...

Jone.- Aizu, niri berdin dit, e, baina harritzen nau inoiz ezer esan ez izana.

Jon.- Esan? Baina zer esan behar nizun ba?

Jone.- Ba hori, porno pelikulak gustuko dituzula.

Jon.- Ez dakit ba! Eta zuri gustatzen al zaizkizu?

Jone.- Aizu, nik galdetu dizut lehenago. Zergatik ez didazu sekula ezer esan?

Jon.- Esan?

Jone.- Joder, Jon, tontoarena primeran egiten duzu nahi duzunean.

Jon.- Ez dakit ba, lotsagatik, pentsatzen dut.

Jone.- Pasaidazu (pasa iezadazu) azukrea.

Jon.- Ez dakit, sekula ez da gai hori atera, ezta? Ba niri lotsa ematen dit.

Jone.- Baina noiztik dauzkazu pelikula horiek?

Jon.- Jo, honek galdeketa bat dirudi eta, nik dakidala behintzat, porno pelikulak izatea ez da delitua, ezta?

Jone.- Ez, baina ezkutuan ibiltzea bada nireganako delitu morala. Benga, noiztik dauzkazu pelikulok?

Jon.- Ez dakit ba, ez naiz akordatzen, eta gainera ez dira nireak.

Jone.- Eta orain zure lagun batenak direla esango didazu.

Jon.- Horixe ba, hala da. Beno, eta orain zure txanda da. Baina, Jone, gustatzen al zaizkizu?

Jone.- Ba... bai.

Jon.- Bai?

Jone.- Ba. Hombre, egunero ikusteko ez, baina gustatzen zaizkit. Ez zenuen espero, ezta?

Jon.- Ba ez, hau ez.

Jone.- Ba pentsa pelikula horiek elkarrekin ikusteko zenbat aukera galdu ditugun zure lelokeriagatik.

Jon.- Ba, bai, pena. Eske lagunari bueltatu behar dizkiot.

Jone.- Eta nork laga zizkizun?

Jon.- Itziarrek.

Jone.- Zer?

Jon.- Itziarrek, badakizu.

Jone.- Bai, bai, badakit, Itziarrek. Baina beno Jon, zure neska izandakoarekin pelikula pornoak trukatzen dituzu orain ala zer?

Jon.- Ez, neska, ez, aspaldikoak dira, harekin ibili gineneko garai hartakoak, joder! Beno, zer, gero afalostean ikusiko al dugu bat?

Jone.- Beno, bale, eta nahi baduzu Itziarri deituko diogu "menage à trois" bat egiteko.

Jon.- Txantxetan ari zara, ezta?

Jone.- Zuk zer uste duzu?

Jon.- Ba txantxetan ari zarela, ezta?

Jone.- Atrebitu zaitez!

Jon.- Hots egingo al diot?

Jone.- Akabatzea nahi baduzu, bai.