Jone.- Benetan, lehendabiziko aldia da, baina nire bizitzan lehendabiziko aldia, nire aita urduri ikusten dudana.

Jon.- Ez nau batere harritzen, e? Enpresari elkarte batek sari bat emango balit, ni ere nahi kezkatuta ibiliko nintzake.

Jone.- Jon, benga, ez zaitez hasi.

Jon.- Baina hala da, Jone, zer nahi duzu ba? Esplotatzaileek sari bat ematen dizutenean, esplotatzaile onenari ematen diote saria, eta kito!

Jone.- Herri honetan enpresari izatea ez da errazegia, e?

Jon.- Ez, langile esplotatua izatea "chollo" bat dela esan nahiko didazu, ez?

Jone.- Beno, beitu (begiratu), zure diskurtso hori Leninen momia baino desfasatuagoa dago eta gainera zu ere enpresaria zarela gogoratu behar dizut ala?

Jon.- Aizu, hori diferentea da, e? Gu bi kide gara eta gure buruarentzat egiten dugu lana.

Jone.- Eta hamaika ordu sartzen dituzue, eta praktikak egiteko ikasleak ere edukitzen dituzue.

Jon.- Baina hori normala da, ni ikasle izan nintzen ere bekario gisa hartu nituen batzuk.

Jone.- Aizu, eta zenbat ordaintzen diezue praktiketan dauden langileei?

Jon.- Aizu, ahal dugun guztia.

Jone.- Gutxi, orduan. Ikusten? Zu ere esplotatzailea zara.

Jon.-  Bai, baina nik behintzat ez dut horregatik saririk jasotzen.

Jon.- Asko falta al zaizu?

Jone.-  Jon, etorri hona.

Jon.- Zer nahi duzu orain?

Jone.- Zelan geratzen zait soineko hau?

Jon.- Oso ondo.

Jone.- Bai?

Jon.- Oso sexy zaude, beltza, e?

Jone.- Bai, baina igual sexyegia eta gainera ipurdia handia egiten dit.

Jon.- Ipurdia, ipurdia sexya daukazu eta.

Jone.- Laga, zuk ez dakizu ezer ez. Beno, ez dut hau jantziko, igual txaketa-pantalon grisa, zuk zer uste duzu?

Jon.- Jar ezazu nahi duzuna baina joan beharra daukagu. Coca-cola bat hartzera noa, nahi al duzu zuk?

Jone.- Bale!

Jon.- Ja?

Jone.- Zer iruditzen zaizu?

Jon.- Oso guapa zaudela.

Jone.- Benetan?

Jon.- Baietz! Ez garela iritsiko garaiz!

Jone.- Bai, ba orduan esateagatik esan duzu.

Jon.- Zer?

Jone.- Ba guapa nagoela.

Jon.- Ezetz, ba! Oso guapa zaude, baina mugitzen ez bagara, ez gara iritsiko.

Jone.- Baina guapa nago, baina ez nago sexy.

Jon.- Soineko beltzarekin sexy-ago zinen.

Jone.-  Eta traje honekin ez?

Jon.- Horrela eleganteagoa zaude. Begira, urteko enpresari onenari saria jasoko duen gizon baten alaba dirudizu.

Jone.- Bai, eta zu bragetazoa jo nahi duen delinkuentea.

Jon.- Bai, e? Ba, orduan, oso apropos goaz biok, e? Benga, mugitu ezazu ipurdi hori eta goazen.

Jone.- Beitu (begiratu), hurrengo batean gure bizilagun danesari (daniarrari) eskatuko diot iritzia.

Jon.- Bai, bai, esaten dutenez, homosexualek asko dakite modari buruz.

Jone.- Berriro ere kontu horrekin. Baina zuk zergatik diozu beti homosexuala dela?

Jon.- Zergatik? Itxura hori hartzen diodalako, zergatik ba?

Jone.- Bale, itxuragatik epaitzen duzu orduan jendea?

Jon.- Ez, ez nahastu gauzak, niri bost axola homosexuala den edo ez den, zer nahi duzu esatea...

Jone.- Ja, baina zeloso jartzen zarenez, burura etortzen zaizun lehendabiziko lelokeria esaten duzu.

Jon.- Nik guapa zaudela esan dizut eta horrek ez al du ba balio?

Jone.- Beitu, Jon, zuk guapa nagoela esan didazu lehenbailehen irteteko eta ez horrela sentitzen zenuelako benetan.

Jon.- Jexux, niri traje beltza gehiago gustatzen zitzaidan.

Jone.- Jakina, gusturik ez daukazulako.

Jon.- Joder!