ATALA 37 Internet erosketak

JON:
    Akordatzen nola jardun ginen lehengoan motoen inguruan ?
JONE:
    Bai
JON:
    Ba atzo kuriosidadez (jakin minez) moto denda batetara sartu nintzen
JONE:
    Motoa erosi nahi duzu?
JON:
    Galdetzea besterik ez..  bigarren eskukoak zer preziotan dauden jakiteko... eta bueno, sartu eta Anderrekin egin nuen topo.
JONE:
    Ander?
JON:
    Bai, ez zara akordatzen?
JONE:
     Ander.. Ander..
JON:
    Bai, nire lankide izan zen diseinu grafiko enpresa hartan...
JONE:
    Ah bai... Eta zertan dabil orain?
JON:
    Bada, moto-dendan dabil lanean
JONE:
    Bueno garai hartan ere bazen nahiko ¨moto-saltzailea¨ ...
JON:
    Ba kontua da urteak daramatzala moto denda horretan lanean.
JONE:
    Ez dakit ezagutuko nukeen.
JON:
    Bueno hark ere, nire moduan, “entrada” handiagoak ditu kopeta aldean.
JONE:
    Zure moduan burusoil?
JON:
    Zer diozu burusoil! “Entradak” ditut.
JONE:
    Bale bale... ez nekien hain sensiblea (suminkor) zinenik gai horrekin...
JON:
    Bada, “deskojonatzen” aritu gara, kaskoen salmentekin egiten duena kontatu dit, oso ona da.
JON:
    Esan dit, gaur egun Interneta dela eta, asko jaitsi direla salmentak.
JONE:
    Motoak ere Internetez erosten dira?
JON:
    Motoak ez osagarriak, kaskoak adibidez, baina hori ez da okerrena..
JONE:
    Utziozu interesgarriarena egiteari eta kontaidazu behingoz.
JON:
    Gauza da jende asko joaten zaiola dendara kaskoak ikustera, probatzera, baina gero Internetez erosten dituela.
JONE:
    Bueno hori kaskoekin eta ia denarekin egiten da egun
JON:
    Ba Anderrek kontatu dit, kaskoetan azaltzen den tamainaren pegatina aldatu egiten duela
JONE:
    Benetan ? jajaja
JON:
    Bai, horrela norbaitek probatu eta talla (neurria) ikusi ondoren, gero Internetez eskatzen duenean, talla (neurri) okerra erosten du.
JONE:
     Ona iruditzen zait, baina putada handi samarra..
JON:
    Noizbait norbait kexaka etorri omen zaio...
JONE:
    Jajajajajjaja benetan?
JON:
    Bai, baina klaro zer esan behar dizute.. zure dendan probatu dudan kaskoaren taila gaizki dago!
JONE:
    Zein ona... Ander beti izan da kabroi samarra.
JON:
    Bueno kabroia ez, aizu bere lana da, Internetez saltzen duen beste batentzat  debalde lan egiteak ez dio inori graziarik egingo.
JONE:
    Entzuna nuen musika dendekin gauza bera geratzen ari dela.
JON:
    Hemen hirian, bi besterik ez dira geratzen jada ezta? Zentroan ia-ia bata bestearen alboan dauden horiek
JONE:
    Bai, jendeak hori egiten duelako, instrumentua dendan probatu eta gero Internetez erosi.
JON:
    Ba zer esatea nahi duzu niri oso ona iruditzen zait kaskoena.
JONE:
    Zuri gertatzen ez bazaizu bai.
JON:
    Nik ez dut apenas ezer erosten Internet  bidez.
JONE:
    Nik gauza bera esaten nuen duela gutxi, baina konturatu naiz gero eta gehiagotan egiten dudala.
JON:
    Ikusiko duzu, Internetaren asuntu (kontu) honekin, hemendik urte batzuetara,  dendetan, gauzak frogatzeagatik ere kobratu egingo digute.
JONE:
    Jon joan beharra daukat, bihar tarte bat baduzu pasa zaitez bulegotik bale?