Euskal Herriko forteak: Berpizkundetik karlismora

Gure herri txikian, bi erresuma oldarkorren artean kokatuta eta hainbatetan gerraren erdigune izanik (Konbentzio-gerra, gerra napoleonikoak, karlistaldiak...), azkeneko lau mendeetan mila forte baino gehiago eraiki ziren, mota guztietakoak (forte-kanoitegia, zitadelak, gerizpeak...). Lurrazpiak gordeta dauzka oraindik horien aztarna ugari, eta horiek argitara ekartzea izan da liburu honen helburua. Antton Arrietaren urteetako lanaren gailurra, garaiko ilustrazio, deskribapen zehatz, forteetara iristeko plano zein mapa eta argazkiz lagunduta datorrena. Gure historia hurbil baina ezkutua, edozeinentzat eskuragarri.