ATAL 80 Mulder eta Scully

JON
    Kasualitatez ba al dakizu OVNI nola esaten den euskaraz?
JONE
    Ovni?
JON
    Bai, “platillo” hegalaria badakizu…
JONE
    Ingelesez UFO esaten da
JON
    Bai, bai, hainbesteraino badakit, ez dakit akordatzen zaren baina elkarrekin ikusten genuen Expediente X.
JONE
    Euskaraz... euskaraz... ba ez dut sekula entzun.
JON
    Lasai, ez dauka garrantzirik, gero begiratuko dut.
JONE
     OHE
JON
    Zer?
JONE
    OHE. Objektu Hegalari Ezezaguna
JON
     Ah, uste nuen ia ohera eraman nahi ninduzula.
JONE
    Nahiko zenuke bai.
JON
    OHE, joder bada zer kasualidadea, ez dakit ba nola geratuko den.
JONE
    Zertarako behar duzu ba?
JON
    Proiektu bat lantzen gabiltza telebistan aurkezteko
JONE
    Zu eta zure lankide superguapa hori?
JON
    Bai, Arantxa eta ni.
JONE
    Eta zer proiektu mota da?
JON
    Bada,  erreportaje moduko bat da. Dokumental moduko bat Euskal Herrian izan diren OVNI, hobe esanda OHE ikuskatzeekin.
JONE
    Hau ez da lehengoan Ouijarena bezala beste zerbaitetarako izango ezta?
JON
    Izan zenuen erreakzioa ikusita,  zuk uste gogorik geratu zaidala?
JON
    Kontua da uste baino zailagoa izango dela izen apropos bat topatzea... zer pentsa OHE istorioak, OHEak Euskadin, OHE espedientea.... zuri zer ekartzen dizute burura?
JONE    
    Ba zuri ekartzen dizuten gauza bera.
JON
    Buelta batzuk eman beharko dizkiogu izenari.
JONE
    Ba ez erabili OHE, jarri X Espedienteak, edo hobeto TX Expedienteak.
JON
    TX Expedienteak? Eta hori zer da Txantrea expedienteak? Txalaparta expedienteak?
JONE
    Eta zuk uste telebistak erosiko dizuela proiektua?
JON
    Nire ustez berandu dabiltza jada, hemen normalki, beti berandu ibiltzen gara formatu berrien kontuekin, beste kateetan arrakasta dutenean soilik kopiatzen ditugu.
JONE
    Ia baina fenomeno paranormalen programekin urte mordoa daramate.
JON
    Horregatik harritzen gaitu hainbeste oraindik hemen ezer egin ez izanak.
JONE
    Ba, badakizu niri gai horiek ez zaizkidala apenas interesatzen, baina ideia oso ona iruditzen zait.
JON
    Bai guri ere bai, orain kontua da, bat, telebistakoei ideia ona iruditzea eta, bi, gure ideia kopiatu eta beste ekoiztetxe bati ez ematea
JONE
    Ez lukete hori egingo.
JON
    Ez luketela zer?  Benetako fenomeno paranormala litzateke hori ez gertatzea. Telebista munduaz ari gara eta ez zuen Ingurugiro (ingurumen) Saileko La  de la Praderaz.
JONE
    Akordatzen zara zein engantxatuta geunden X espedienteetara?
JON
    Bai, oso ona zen eta gero protagonistek zuten rolloa ere, Scullyrekin maitemindua nengoen ni. Harrez gero, Gilian Anderson aktoresak egiten duen pelikula edo serie guztiak ikusten ditut.
JONE
    Ba asko aldatu da ez?
JON
    Argaldu, baina aurpegi bera izaten jarraitzen du, badu... ez dakit hoztasun hori, begi horiek, halako lankide bat izango banu nik ere.
JONE
    Nik dakidala halako lankide bat duzu.
JON
    Arantxa guapa da, baina ez nau Scullyk bezala, badakizu... Scully berez ez zen guapa-guapa horietakoa, baina oso atraktiboa (erakargarria) zen.
JONE 
    Jeloskor jarri nahi banauzu, lortzen ari zara.
JON
     Zu zara eta nire Scully!
JONE
    Ia-ia...konpontzen saiatu orain, Mulder
JON
    Gainera hobe ez bagara Mulder eta Scullyren modukoak, zeren azkenean, 10 urte tonteatzen pasa ondoren ezer ez, OHE asko eta sexu gutxi.
JONE
    Eta gero ni naiz batere erromantikoa ez dena.
JON
    Bi horiena ez zen erromantizismoa, horiena masokismoa zen, baina egia da horri esker iraun zuela telesailak, enroilatu izan balira, kaput, tentsio sexualarekin amaitzen denean akabo telesaila.
JONE
    Ba eskerrak gu ez garen telesail bateko pertsonaiak.