ATAL 65 Bizilagunak

JONE
    Gero arte bai. Niko ikastolatik ateratzen denean esango diot.
JON
    Agur bai
JON
    Bizilagunak jatorrak dirudite ezta?
JONE
    Bai, bueno apenas daramate hilabete hemen, ez ditut gehiegi ezagutzen, baina alde ederra dago lehen bertan bizi zen atsoarekin.
JON
    Eta atsoarekin zer gertatu zen?
JONE
    Ba atsoekin normalki gertatzen dena.
JON
    Tanatorioan (beilatokian) amaitzen dutela dekorazio gisa, ez?
JONE
    Ez.. jajajajja zein brutoa (kirtena) zaren. Erresidentzia batera eraman dutela
JON
    Nik esandakoa ere ez da erokeria bat. Atsoek tanatorioetan (beilatokietan) amaitzen dute.
JONE
    Eta atsoak ez direnek ere bai. Kontua da seme-alabek pisutik atera, erresidentziara eraman eta pisua saldu zutela, guztia ti-ta batean.
JONE
    Bizilagunek gainera bi alaba dituzte, Kattalin da nagusia eta bestea nola zen... ah bai Maia.
JON
    Nikoren adin berekoak dira?
JONE
    Ba uste dut bata Niko baino urtebete zaharragoa dela eta bestea urtebete gazteagoa.
JON
    Eta ongi moldatzen da Niko haiekin?
JONE
    Hasieran lotsatu egiten zen, baina orain tarteka etxeko atea irekitzen du kanpoan soinuak entzuten dituenean.
JON
    Aiii… gixaixoa!! Zein goiz hasi den neskengatik borondatea galtzen.
JONE
    Ez esan halakorik, haurrak besterik ez dira-ta
JON
    Ia ia haurrak. Hala ere, putada galanta izan behar du zuk aukeratu ez dituzun haurren gurasoekin egon behar horrek ezta?
JONE.
    Ba bai. Ez dakizu ongi zenbat anormalekin tokatu zaidan.
JON
    Bueno ohituta zaude. Niri anormal esaten didazu behin eta berriro.
JONE
    Baina zuri modu kariñosoan esaten dizut, ez benetan, hori da okerren daramadan gauzetako bat. Orain askotan semeak aukeratzen dituela nire inguruan dabiltzanak, ikastolan, igerilekuan...
JON
    Ez zara ba zu asko egoten igerilekuan beste gurasoekin.
JONE
    Ez direlako hurbiltzera ausartzen, nire inguruan beti tatuajez beteta dagoen bizkar zain bat izaten dudalako.
JON.
    Ahh.. orain ulertzen dut zergatik gonbidatzen nauzun beti zurekin igerilekura.
JON
    Eta bizilagunek zer esan dute orduan, arratsaldean merienda antolatu dutela?
JONE
    Bai, dirudienez txokolatada bat edo halako zerbait haurrentzat
JON
    Eta zu Nikorekin joango zara?
JONE
    Bai, eta bueno zuk ere etorri nahi baduzu.
JON...
    Bueno,  badaaa ... Lan kontu bat daukat eta.
JONE:
    Bai klaro (jakina).
JON
    Ez benetan eta bueno, hemen ez daukat zure bizkartzain paperik egin beharrik, gainera hainbeste haur tartean eta nire tatuajeak.
JONE
    Haurrei gustatzen zaizkie tatuajeak, badakizu hori.
JON
    Uste dut gaurkoz paso egingo dudala familia perfektuen “merendolaz”.
JONE
    (Brometan eta barrez) Baina zu nire bizkartzaina zara. Kevin Costener film hartan bezalaxe. Nik nahi dudana egin behar duzu.
JON
    Ni Kevin Costner bezain guapoa naiz, badakit, baina nik dakidala zu urruti zaude Whitney Houston izatetik.
JONE
    Ez naiz beltza baina imajinazio pixka bat botaiozu.
JON
    Ez nuen horregatik esaten, kantatzearenagatik diot.
JONE
    Zein idiota...
 JON:
    Zuk ongi kantatzen duzula irudikatzeko adina imajinaziorik ez dago munduan.
W-JON Zer moduz Kattalin eta Maiaren meriendan?
W-JONE Ongi. Primeran pasa dute haurrek. Eta bizilagunak jatorrak dira.
W-JON Pozten naiz.
W-JONE Esan diet egunen batean etxean afaria egin dezakegula. Gonbidatuta zaudela.
W- JON Detaile bat zure aldetik bizkartzaina gonbidatzea.
W- JONE Entzun hau bizkartzain.