Sintonizatzen (35. atala)

JONE:
    Jon, zuk bideo eta kamera-kontuak kontrolatzen dituzu, ezta?

JON:
    Bai, gutxi gora behera...

JONE:
    Etor zintezke etxera telebista kanalak sintonizatzera?

JON:
    Bai, bai, arazorik gabe...

JONE:
    Arratsaldeko bostetatik aurrera etxean egongo naiz.

JON:
    Bale, gero arte ba.

JON:
    Zer da entzuten ari zaren hori?

JONE:
    Ba, ez dakit,... irratia.

JON:
    Behatz bat jokatuko nuke Kiss FM dela.

JONE:
    Ba, ez dakit, egia esan.

JON:
    Joder. Bonnie Tyler da eta! Oso zu da, bai.

JONE:
    Bueno, bueno, pasa hemendik saloira, hantxe dago telebista.

JON:
    Pantaila laua, e?

JONE:
    Bueno, gaur egun jende guztiak dauka pantaila laua, Jon...

JON:
    Bueno, zure moduko jendeak izango da. “Gente guapoak”... nik telebista zahar horietakoa daukat.

JONE:
    Bakoitzari dagokiona... Guapook telebista guapoak eta zaharrek telebista zaharrak.

JON:
    Honek pelikula porno baten hasiera dirudi, e?. Emakume bakarti bat etxean eta instrumentu guztiekin etxera datorren langile atraktiboa (erakargarria).

JONE:
     Ba, niretzat pelikula pornoa baino Ikeako iragarki bat izan beharko du. Lana azkar eta garbi egin eta ospa.

JON:
    Bueno, ba pelikula baino laburmetraia, (film laburra) orduan.

JONE:
     Iragarkia hobe, Jon.

JON:
    Joneren 50 itzal, e? Horren trailerra?

JONE:
    Bueno. Hementxe mandoa (urrutiko agintea), sukaldera noa Nikori afaria prestatzera.

JON:
    Aber moldatzen naizen...

 JON:
    Telebista honek menu eta funtzio gehiegi ditu hain botoi gutxi duen mando batentzako. Gaizki hasi gara honekin, e?.

JONE:
    Zeozer hartu nahi duzu?

JON:
    Ez, eskerrik asko.

JONE:
    Benetan?

JON:
    Baietz, ez zait gustatzen edatea lanean ari naizenean.


JONE:
    Ez esan txorradarik, garagardoa?, coka-cola bat?

JON:
     Zerbeza (garagardo) bat.

JONE:
    Zelan zoaz, Jon?

JON:
     Buf, ba erotuta. Bueltaka eta bueltaka, baina ez dut aurrera egiten. Seguru al zara antena ongi daukazuela?

JONE:
    Baietz ba, horregatik eskatu dizut, portaleko (atariko) ipini zuten notan (oharrean) esaten zuen antena prest zegoela, sintonizatzeko prest.

JON:
    Bada, ni bezalako aktore porno bati hots egin beharrean, benetako profesional bati hots egin beharko diozu.

JONE:
    Kasu bietan profesional bat beharko nuke, orduan.


JON:
    Akordatzen zara elkarrekin bizi ginenean Canal plusa pirateatuta geneukala?

JONE:
    Ja, 100 kanal eta piko genituen. eta klaro (jakina) zu egun osoa telebistari pegatuta (itsatsita).

JON:
    Eta zapping borrokak?

JONE:
    Joder bai, zelako moskeoak harrapatzen zenituen...

JON:
     Eske, ez zenekien zapping-a egiten!

JONE:
    Baina, zer esaten duzu? Zapping-a bakarrik mandoa daukanari gustatzen zaio!

JON:
    Akordatzen, zenbat kanal porno genituen.

JONE:
    Joe, fuerte eman dizu gaur pornoarekin e!

JON:
    Bueno, ez zaitez  orain mojarena egiten hasi, zuk ere gustura ikusten zenuen eta...

JONE:
    Benga (tira) lagaidazu (utzidazu) mandoa ea asmatzen dudan nik sintonizatzen.

JONE:
     “Yasta”, (eginda) Jon, ikusten? Ez zen hain gaitza (zaila), menuan agertzen dena irakurri behar da bakarrik.

JON:
    Ja, eta hain azkarra bazara, zergatik hots egin didazu orduan?

JONE:
    Ba zuk zuk mementu batean egingo zenuela uste nuelako. Baina...

JON:
    Ia ia, zuk beste intentzio batzuk zenituen. Horregatik jarri duzu Kiss FM... egoera girotzeko, ezta?