Motoa (34. atala)

KAFETEGIAN
 

JON:
    Lehengoan gogoratu nuen gaztetxoak ginenean auzotik motorrean azaltzen ziren pijoei egiten geniena.

JONE:
    Zer verano Azul sindromeak jo zaitu. Azken aldian ez dago besterik. 80. hamarkadako telesailak, musika, liburuak.
JON:
    Badakizu...orain hori saltzen digute. Hamarkada bakoitzean dirua maneiatzen duen belaunaldiari bere nostalgia dosia saldu behar zaio. Baina ez duzu inon irakurri edo ikusiko guk auzoan egiten genuena.

JONE:
    Imajinatu dezaket. Gurpilak zulatu, motoak lapurtu.

JON:
    Motoa aparkatzen zutenean, inguruko zakur kakaren bat hartu eta azeleragailuaren maneta (heldulekua) goitik behera zikintzen genuen

JONE:
    Arrgg Jon...zer zerrikeria... Ez dut pentsatu ere egin nahi kasko barruko aldean zer egin...

JON:
    Garai hartan ez zuen inork kaskorik erabiltzen. Bestela...

JON:
    Vale markakoa pijoen motoa zen... Vespinoa zozoena eta Mobiletta herriaren motorra, erraz trukatu zitekeen gainera.

JONE:
    Utzi asmatzen, zuk ¨herriaren¨ motoa izan zenuen klaro (jakina)

JON:
    Nire lehenengo motoa izan zen, mobilet beltz bat, tubarroa jarri nion eta sillina (eserlekua) zuriz tapizatu.

JONE:
    Makarra tipikoa izango zinen zu 16 urterekin.

JON:
    Bai.. eta ile luzea nuen orduan. Gero Puch Condor bat izan nuen eta segidan NSR bat. Nik RD350-a nahi nuen, baina hura garestiegia zen, ¨matapijos” esaten zioten moto hari, kriston abiadura hartzen zuen.

JONE:
    Ba nik ezagutu zintudanean Vespa bat zenuen

JON:
    Bai, eta ile motza ordurako.

JONE:
    Bai, ez zinen heavia...

JON:
     Eske, ordurako zure antzeko neska pija perfumatuak gustatzen zitzaizkidan eta horregatik erosi nuen bigarren eskuko vespa.

JONE:
    Asko gustatzen zitzaidan vespa hura.

JON:
    Ikusten? infaliblea (hutsik gabekoa) zen.

JONE:
    Zer diozu?

JON:
    Badakizu garai hartan zer esaten zen.. ¨El que tiene vespa tiene neska...¨

JONE:    
     Istripuaren ostetik ez naiz igo ni moto batera.

JON:
    Ba nik Filipinetan motoa nuen.

JONE:
    Ez dizu beldurrik ematen?

JON:
    Hasieran bai, baina horrexegatik.  Badakizu istripu larria izan duen jende askok gero gidatzeari utzi egiten dio. Nik ez nuen hori gertatzerik nahi.

JONE:
    Ez dakit Jon, haluzinatua geratzen naiz. Gertatu zena gertatuta oraindik motorrekin horrela emozionatzea (hunkitzea)

JON:
    Moteroek gasolina daukagu zainetan badakizu.

JONE:
    Bueno, zuk garai batean gasolina eta beste hamaika sustantzia ere bai.

JONE:
    Niri “en todo kaso” (izatekotan) scooter horiek gustatzen zaizkit, hirian bakarrik ibiltzeko eta gauzak eramateko tokia dutenak.

JON:
    Horiek ez dira motoak Jone, plastikozko patineteak dira. Nik oraingoz nire kotxe (auto) zaharrarekin konformatu beharko dut.

JONE:
    Honezkero “pureta” bat zarelako...

JON:
    Egunen batean, ahal dudanean, motoa erosiko dut berriro. Hala ere, zerbait asmatu beharko dut enbragea ongi sakatzeko, ez dakit behatz erdi honekin indarrik  izango ote dudan.

JONE:
    Baina motoek oraindik enbragea dute?

JON:
    Benetako motoek bai.

JONE:
    Uhhh zein gogorrak zareten moteruak...

JON:
    Errepideko zaldunak, bikingo modernoak!

JONE:
    Aizu, ala ere, zure behatz hori ez al zen behatz magikoa?

JON:
    Bai, baina ez horretarako prezisamente (hain zuzen)... nahi al duzu kontatzea zein trikimailu egin dezakedan behatz magikoarekin ?

JONE:
    Baleeeee. Ez dut elkarrizketa honekin jarraitu nahi.