Krasss!

Jone.- Jon! Zer izan da hori?

Jon.- Gauzatxo bat erori egin da.

Jone.- Erori? Zer?

Jon.- Ba saloian genuen buztinezko pitxar hau.

Jone.- Amak erregalatu ziguna?

Jon.- Bai, itsusi-itsusia zen pitxar hura, bai.

Jone.- Eta jauzi egin dela esan duzu?

Jon.- Bai, bai, erori egin da, bai.

Jone.- Eta zuk kareta, txaketa eta ezpata.

Jon.- Sablea da, hau ez da ezpata.

Jone.- Eta zu esgrima ekipoa jantzita, ezpata eskuan daukazula.

Jon.- Beno, hori nabarmena da, ezta?

Jone.- Eta amaren jarroia jauzi egin dela diozu? Bakarrik.

Jon.- Bakarrik, Jone, bakarrik erori da.

Jon.- Nik ez dut ukitu. Entrenatzen ari nintzen eta sablea albotik pasa da, eta nik ez dakit zer pasa den.

Jone.- Jon, mesedez.

Jon.- Beno, bale, bale, nahi gabe eman diot, horrela, touché.

Jone.- Ez da normala, Jon, etxean moskitoz jantzita eta ezpata batekin gora eta behera.

Jon.- Euskadiko Txapelketa prestatzen ari naiz.

Jone.- Berdin dit, amak erregalatutako jarroia apurtu duzu.

Jon.- Hara, bat batean non jarri ez genekien pitxar nazkagarri hori orain amaren jarroia bihurtu da.

Jon.- Erosiko dizut beste bat, neska.

Jone.- Baina ez da iguala izango.

Jon.- Ez, baina oso antzekoa bai. Edozein Todo a Cien horietan saltzen dituzte horrelakoak eta.

Jone.- Jon, ez zaitez pasatu.

Jon.- Zer esan dut nik orain?

Jone.- Ba nire amaren erregaloa ez zen Todo a Cien batean erositakoa. Badakizu zelakoak diren nire gurasoak.

Jon.- Bai, aberatsak dira, bai, pero los ricos también lloran, Jone.

Jone.- Aizu, eta nirekin berba egiteko kendu kareta hori, mesedez.

Jone.- Euskadiko Txapelketarako entrenatzen ari zarela esan didazu lehen, ezta?

Jon.- Bai.

Jone.- Baina, Jon, orain dela oso gutxi hasi zara eta. Zer? Beteranoetan hartu behar duzu parte ala?

Jon.- Ez. Paraesgrimistetan, graciosilla.

Jone.- Ama, gogoratzen duzu zuk erregalatutako pitxarra? Bai, zuria. Ba, jauzi eta apurtu egin zaigu. Barkatu, e? Zer? A, berdin diola? Todo a Cien batean erosi zenuela? A! Bale, bale, ba lasaiago geratzen naiz.

Jone.- Amari esan diot jarroiarena.

Jon.- Txibata!

Jone.- Beno, ez diot esan paraesgrimista baten apurtu duela, jauzi eta apurtu egin dela bakarrik.

Jon.- Eta?

Jone.- Ez dio inongo graziarik egin. Hortaz, berarekin zauden hurrengoan ondo portatu eta pelota egiozu.

Jon.- Bale, bale.