ATALA 40 Diferituan (aurrez grabaturik)

JON:
    Baina gure arteko hau zer da?  Nola definituko zenuke?
JONE:
    Ez dakit.. Nik ez daukat presarik Jon, ez al gaude ongi horrela? Nik ez dut ezertarako presarik.
JON:
    Ezta nik ere,  nigatik behintzat ez beldurrik izan. Ni gustura nago zurekin.
JONE:
    Zer esan nahi duzu horrekin?
JON:
    Entzun duzuna, gustura nagoela.
JONE:
    Ez, ¨nigatik behintzat ez beldurrik izan¨ zer esan nahi duzu horrekin?
JON:
    Ba, ez dakit, nolabait,  distantzia bat jartzen duzunez beti.
JONE:
    Ez du zuregatik egiten, niregatik eta Nikorengatik egiten dut. Jon, honek ez du zerikusirik ezagutu ginen garairekin.
JON:
    Joder Jone, dena logikaren eta errealitatearen eremura eramaten duzu, esan nahi nuena da nahi duzuna egiteko, baina ez ez ezazula nigatik behintzat frenoa sakatu, negoziazio bat dirudi honek.
JONE:
    Azken finean hori da.
JON:
    Zein gauza politak esaten dituzun Jone.
JON:
    Niri Jone berdin zait, baina iruditzen zait badaukagula abantaila bat. Elkar ondo ezagutzen dugu eta badaukagu konfiantza gauzez argi hitz egiteko.
JONE:
    Teorian bai Jon, baina gero beste gauza asko daude, elkar ezagutzearena ere txarrerako bada.
JON:
    Behin irakurri nuen garai bateko harreman bat berreskuratzea, futbol partidu bat diferituan ikustea bezalakoxea dela.
JONE:  
    Ah ba zein ongi, gero ni naiz gauza politak esaten dituena.
JON:
    Ez daukat honi nahi eta nahiez izena jarri beharrik, baina biok gauza bera pentsatzen dugula jakin nahiko nuke, besterik gabe. Batzuetan badaukat pelma (gogaikarri) naizen sentsazioa
JONE:
    Badakizu ezetz Jon, baina, eske, nobio hitzak karga gehiegi du.
JON:
    Orduan lagunak gara, zure etxeko portalean edo zineman elkarri eskua sartzen dioten lagunak.
JONE:
    Jon, zu nahi duzuna gara, nik diodan gauza bakarra da mantso joan nahi dudala.
JON:
    Jone, ez dizut eskatu ezkontzeko... oraindik
JONE:
    Eta ez didazu ezkontzeko eskatuko orduan?
JON:
    Jone, nahi baduzu musikal bat muntatuko dizut ezkontza eskaria egiteko ere, nahi duzuna, zu eroso eta gustura egoteko.
JONE:
    Jon
JON:
    Zer?
JONE:
    Eta musikal hori nolakoa litzateke?
JON:
    Bada... oso erromantikoa... Unikornio (adarbakar) arrosak, ostadarrak eta ni mallekin (elastikoekin) azalduko nintzateke eta.
JONE:
    Jajaja, pikito
JON:
     Zer?
JONE:
    Ez duzu gogoratzen...
JON:
    Bai
JONE:
    Ba eman pikito.