14 Hartzak

JONE:
    Aizu Jon fabore bat egingo didazu?
JON:
    Ahal badut bai... bota...
JONE:
    Kotxea (autoa) tailerrean daukat eta gauza bat jaso behar dut...
JON:
    Bale, batere arazorik ez...
JONE:
    Oraindik ez dakit zer ordutan baina gero idatzikodizut mezu bat... A eta nahiko gauza handia da, kotxean (autoan) tokia beharko dugu
JON:
    Lasai, atzeko asientuak (eserlekuak) plegatuko ditut eta aterako ditut surf taula eta beste tramankulu guztiak.
W- JONE: Arratsaldeko 4:00etan?
W-JON: Okei... non?
W-JONE: Hondartza parean. Panaderia (okindegi) berria dagoen tokian ongi?
W- JON: Konforme...
W- JONE: Eskerrik asko.
JONE:
    Aizu Jon, bizarra uzten ari al zara?
JON:
     Uzten baino, puntu batetik aurrera hazten zaidanean pereza (alferkeria) ematen dit moztea.
JONE:
    Ah klaro, pereza (alferkeria) da... ez dago kalkulatua...
JON:
    Ez ba...
JONE:
    Klaro klaro... nola onartuko duzu zuk halakorik...
JON:
    Eta zer? gustatzen zaizu?
JONE:
    Ez zaizu gaizki geratzen egia esan... eta orain oso modan dago gainera...
JON:
    Bueno hartzek aspalditik daramate bizarra...
JONE:
    Hartzek?
JON:
    Mendietako hartzek ez... hartzek badakizu... gure buzeo zentrora, urtero Alemaniako urpekaritza klub batetik hartz kuadrila etortzen zen buzeatzera...
JONE:
    Ba orain zure itxura horrek badu izen bat... E.. nola zen?  Bai, lumbersexuala
JON:
    Hori zer, Cosmopolitanen irakurri duzu ezta?
JON:
    Nola esan duzu zela?
JONE:
    Lumbersexuala... lumber hitzetik omen dator... egurra ingelesez.. badakizu koadrodun kamisetak, bizarra, basomutil kanadarraren itxura hori..
JON:
    Eta nik pentsatzen nuen metrosexuala nintzela…
JONE:
    Zu metrosexuala? Askotan galtzontziloak ez zenituen janzten eta.. jajaj.. jajajaja hala ere, aukeran, nik nahiago basomutil estiloa.
JON:
    Basomutil itxura bai baina horietako bakar batek ez daki motozerra bat martxan jartzen...
JONE:
    Eta zertako behar dute motozerra bat? Guapo daude eta kito.
JON:
    Guapo? Joder, eta urteetan zure matraka hura aguantatu behar izan nuen.. moztu bizarra..  kendu bizarra… bizarra moztu…
JONE:
    Pintxatzen (ziztatzen) zenuelako...
JON:
     Ia … eta?
JONE:
    Bueno, orain ez nauzunez pintxatu (ziztatu) behar.. ba ongi geratzen zaizu bizarra...
JONE:
    Eta badakizu bizarra egiteko bizarginak ere modan jarri direla ezta?
JON:
    Bai, derrepente denak XIX. mendeko itxura duten pelukerietara (ile-apaindegi)... patetiko samarra da bai...
JONE:
    Aizu, nahi duena joaten da ez dute inor derrigortzen...
JON:
    Ia, baina “eske” guztiari jarri behar zaio izena edo marka... dena bihurtu behar da moda kontu bat... nazkagarria da.
JONE:
    Zer? Mitina tokatzen al zaigu orain? Ba iristear gaude “asike” (beraz) gorde gerorako...
JON:
    Eta esango didazu behingoz atzeko kaxa horretan zer daramazun?
JONE:
    Ez zenuke sinetsiko...
JON: 
    Hozkailu baten tamaina du baina baina ez du pisu handirik...
JONE:
  Hartz bat da Jon

JON:
    Zer?
JONE:
    Hartz bat, peluxezko hartz bat
JON:
    Benetan? Ez al zara helduegia horretarako?
JONE:
    Jajaja..ez dakit fijatuko (ohartuko) zinen...badago denda bat, atean hartz erraldoi bat duena...
JON:
    Bai
JONE:
    Ba haren aurretik pasatzen garen bakoitzean Niko hura besarkatzera joaten da...
JON:
    Eta peluxezko hartz handi bat erosi diozu.
    JONE:
    Bai, … eta nork esan behar zidan niri, inoiz  kotxe (auto) batean bi artzen konpainian joango nintzenik...