Pi.Pi.Pi.

Jon.- Bai?

Jone.- Aupa, Jon. Zer moduz?

Jon.- Hementxe, sin más.

Jone.- Jon, lana eskaini didate.

Jon.- Ah, bai? Eta nork?

Jone.- Gogoratzen duzu aitaren lagun arkitektoa?

Jon.- Bai. Tipo harroputz nazkante hura?

Jone.- Ba berak eskaini dit, bere estudioan.

Jon.- Baina, Jone, ez al dauka estudioa Bartzelonan?

Jone.- Bai, badakit.

Jon.- Eta zer egin behar duzu?

Jone.- Ba ez dut erabakirik hartu, zurekin berba egin nahi nuen ezer erabaki aurretik.

Jon.- Ba orain ez da unerik aproposena, ezta? Nahi baduzu bazkaltzera joan eta orduan hitz egingo dugu biok.

Jone.- Bale!

Jon.- Pikito.

Jone.- Muxu.

Pi.Pi.Pi

Jon.- Bai?

Jone.- Ni naiz, Jon.

Jon.- Zer moduz?

Jone.- Egin dut berba aitaren lagunarekin.

Jon.- Eta?

Jone.- Ba, baiezkoa eman diot baina...

Jon.- Baina zer?

Jone.- Uda ostean hasiko naizela, datorren kurtsoan.

Jon.- Irailean?

Jone. Bai.

Jon.- Eta zer moduz zaude?

Jone.- Ez dakit. Bertigo sentsazioa daukat.

Jon.- Lasai, pottoka, asko geratzen da oraindik irailera arte.

Jone.- Jon!

Jon.- Zer?

Jone.- Maite nauzu?

Jon.- Ez, badakizu ezetz.

Jone.- Muxu...

Jon.- Pa!

Jon.- Eta erabakirik hartu al duzu?

Jone.- Zuk zer irizten diozu, Jon?

Jon.- Ez dakit, pottoka, niri pena ematen dit. Eske hilabete gutxi dira elkarrekin bizitzen jarri ginenetik... Eske, bestetik, kristoren aukera da, ez?

Jone.- Ba bai, lana ona da, proiektu interesgarri ugari egiten ditu estudio horretan.

Jon.- Ez dakit. Zuk erabaki beharko duzu interesatzen zaizun edo ez.

Jone.- Urtebeteko kontratua eskaini didate.

Jon.- Urtebete berehala pasatzen da.

Jone.- Hori serio esan duzu?

Jon.- Ba ez dakit, neska, animatzeagatik izango da.

Jone.- Arratsaldean deitu behar diot aitaren lagunari. Zer esango diot, Jon?

Jon.- Nahi duzuna, benetan. Begira, Bartzelona ez dago hain urruti, asteburuetan moldatuko gara. Ez gara modu horretan dabilen lehendabiziko bikotea.

Jone.- Ez dakit, pereza ematen dit, Jon, pisua bilatu, hiri handia.

Jon.- Benga, neska, ez da hainbesterainokoa. Gainera, urtebete besterik ez da, ezta?

Jone.- Hartuko dut?

Jon.- Zuk zeuk ikusi, ni orain lanera noa, hitz egingo dugu gauean.

Jone.- Bale, gero arte.